leu [o.n.] biesse a tete, ratayon do tchén, e sincieus latén Canis lupus. rl a: [[Motî:lovresse|lovresse]]; rl a: [[Motî:lofer|lofer]]. >> inte tchén et leu: al l' anuti, al brune. >> Li fwin tchesse li leu foû do bwès: cwand on-z a håsse di åk, on prind des risses po l' awè. >> Gn a pus d' on leup å bwès: dijhêye cwand on vout disfinde ene sakî k' est ametou pask' il est må veyou: end a ds ôtes ki sont capåbes d' endè fé l' pareye. >> criyî come on leu å bwès: boerler. >> Li ci ki va å bwès, li leu l' estronne: li ci ki prind des risses, i s' ritrouve må prin. >> Li ci ki s' fwait berbi, li leu l' magne: i n' fåt nén esse trop bon, ôtmint, les ôtes si fotèt d' vos. >> Dji vs åroz leyî prinde do leu: dji n' vos a nén ricnoxhou (si l' leu åreu yeu voré sor vos, dji n' vos åreu nén schapé, ca vos m' shonnîz èn etrindjî). rl a: [[Motî:rimete|rimete]]. F. ne pas reconnaître. >> Les leus ni s' magnèt nén: Les metchants n' s' atakèt nén a des sfwaits k' zels. >> esse el gueuye do leu: esse må prin(jhe). >> si tchôkî; u: si taper; u: tchaire el [[Motî:gueuye|gueuye°]] do leu. >> On n' î voet nén dpus k' el leu e s' cou: on n' voet nén clair, i fwait tot noer. >> Å Noyé, vå mî on leu dins les tchamps k' on tcherweu: i våt mî po les dinrêyes d' ivier k' i djale et fé mwais å Noyé. >> On n' djåze måy do leu k' on è voeye li cawe: dijhêye po ene sakî k' arive, dabôrd k' on vneut djusse di cåzer d' lu. >> C' est on leu covrou d' ene pea d' moton: i fwait les cwanses d' esse vayant, mins c' est on metchant. >> I n' a måy veyou nou ptit leu: i dit todi k' il a veyou des foû gros leus, i flaxhe dins ses racontaedjes, il egzadjere. >> I n' fåt nén reclôre li leu el biedjreye: i n' fåt nén leyî ene sakî la k' i pôreu vs fé do toirt. >> On fwait sovint l' leu pus gros k' i n' est: on-z egzadjere sovint cwand on raconte åk. Franwal: ahåyant po: "tendance à l'exagération". >> Leu k' est moirt ni hagne pus: dijhêye a onk k' a co peu d' on dandjî k' est passé. >> I fåt hoûler avou les leus et [[Motî:bawer|bawer°]] (u: hawer) avou les tchéns. >> [[Motî:viker|viker°]] come on leu. >> Li ci k' est leu, k' i [[Motî:viker|vike°]] come on leu. >> èn ome sins [[Motî:årdjint|årdjint°]], c' est on leu sins dint. >> Les Leus: sipots des dmorants di Smu, di Freyeu, di Viancoû. >> Al fosse ås Leus: no d' ene plaece di Transene. >> Al Gueuye do Leu: no d' ene plaece di Bastogne. >> å Trô do Leu: no d' ene plaece di Dåssoû. >> A [[Motî:Our|Our°]], li leu î court... Disfondowes: leu, lë. | leuton [o.n.] lovtea. Disfondowes: lëton. | leuve [f.n.] lovresse. Omonimes: * [[Motî:leu 2|leu]] (o.n.; plaece) * [[Motî:leu 3|leu]] (prezinteu, prono; da zels) ---- * [[leu|Dipus d' racsegnes so les leus]]. * Li [[fåve do violoneu et do leu]]