{{Wiccionaire-motî|leu}}
leu 1 [o.n.] biesse ås tetes, ratayon do tchén, e sincieus latén Canis lupus. F. loup.
>> inte tchén et leu: so l' [[Motî:anuti|anuti]], al brune.
>> Li fwin tchesse li leu foû do bwès: cwand on-z a håsse di åk, on prind des risses po l' awè.
>> Gn a pus d' on leup å bwès: dijhêye cwand on vout disfinde ene sakî k' est ametou pask' il est må veyou: end a ds ôtes ki sont capåbes d' endè fé l' pareye.
>> criyî come on leu å bwès: [[Motî:boerler|boerler]].
>> Li ci ki va å bwès, li leu l' estronne: li ci ki prind des risses, i s' ritrouve må prin.
>> Li ci ki s' fwait berbi, li leu l' magne: i n' fåt nén esse trop bon, ôtmint, les ôtes si fotèt d' vos.
>> Dji vs åreu leyî prinde do leu: dji n' vos a nén [[Motî:rimete|rmetou]] (ricnoxhou), ça fwait ki, si l' leu åreut yeu voré sor vos, dji n' vos åreu nén schapé, ca vos m' shonnîz èn etrindjir: F. ne pas reconnaître.
>> Les leus ni s' magnèt nén: Les metchants n' s' atakèt nén a des sfwaits k' zels.
>> esse el gueuye do leu: esse må prin(jhe).
>> si tchôkî; u: si taper; u: tchaire el [[Motî:gueuye|gueuye°]] do leu.
>> On n' î voet nén dpus k' el leu e s' cou: on n' voet nén clair, i fwait tot noer.
>> Å Noyé, vå mî on leu dins les tchamps k' on tcherweu: i våt mî po les dinrêyes d' ivier k' i djale et fé mwais å Noyé.
>> On n' djåze måy do leu k' on è voeye li cawe: dijhêye po ene sakî k' arive, dabôrd k' on vneut djusse di cåzer d' lu.
>> C' est on leu covrou d' ene pea d' moton: i fwait les cwanses d' esse vayant, mins c' est on metchant.
>> I n' a måy veyou nou ptit leu: i dit todi k' il a veyou des foû gros leus, i flaxhe dins ses racontaedjes. F. vantard.
>> I n' fåt nén reclôre li leu el biedjreye: i n' fåt nén leyî ene sakî la k' i pôreu vs fé do toirt.
>> On fwait sovint l' leu pus gros k' i n' est: on-z egzadjere sovint cwand on raconte åk. On dit eto: fé l' [[Motî:diåle 1|diåle]] pus noer k' i n' est. F. exagérer.
>> Leu k' est moirt ni hagne pus: dijhêye a onk k' a co peu d' on dandjî k' est passé.
>> c' est l' leu ki foume si pupe: dijheye cwand on voet des [[Motî:rinåd 2|rnåds]].
>> il a ddja veyou l' leu: on n' lyi è fwait pont acroere.
>> elle a ddja veyou l' leu: ele n' est pus [[Motî:etire|etire]] (po ene djonne feye k' a ddja stî avou les valets).
>> Av' veyou l' leu: dijheye a onk (ene) ki s' måvele.
>> aveur des boyeas d' leu: aveur fwin. F. faim de loup.
>> I fåt hoûler avou les leus et [[Motî:bawer|bawer°]] (u: hawer) avou les tchéns.
>> [[Motî:viker|viker°]] come on leu.
>> Li ci k' est leu, k' i [[Motî:viker|vike°]] come on leu.
>> èn ome sins [[Motî:årdjint|årdjint°]], c' est on leu sins dint.
>> Les Leus: sipots des dmorants di [[Motî:Smu|Smu]], di [[Motî:Freyeu|Freyeu]], di [[Motî:Viancoû|Viancoû]], di [[Motî:Lovteamont|Lovteamont]], d' [[Motî:Ebli|Ebli]], di [[Namoussåt|Namoussåt]], di [[Motî:Vå-dlé-Noveye|Vå-dlé-Noveye]], [[Motî:Vilé-l'-Olu| Vilé-l'-Olu]].
>> A [[Motî:Our|Our°]], li leu î court... rime-rame di viyaedje.
| leuton [o.n.] [[Motî:lovea|lovea]]. F. louveteau.
| leuve [f.n.]
1. [[Motî:lovresse|lovresse]]. F. louve.
2. maladeye des biesses (vatches), k' ele sont flåwes, et gleter. Pol leuve, i fåt côper l' dibout del cawe (ramexhné pa [[L. Léonard]]).
Omonimes:
* [[Motî:leu 2|leu]] (o.n.; plaece)
* [[Motî:leu 3|leu]] (prezinteu, prono; da zels)
Ôtes mots-parints (sol bodje "lov-")
* [[Motî:lovresse|lovresse, lovea, lovisse]]
* [[Motî:lovire|lovire, lovreye, lovrece]]
* [[Motî:lovrin|lovrin]]
* [[Motî:lovtî|lovtî, lovtresse, lovtea]]
* [[Motî:lofer|lofer, lofete, loftåd, loftreye, loflete, loflote]]
* [[Motî:lovtî|lovtî, lovtreye, lovtresse, lovtea]]
Mots d' aplacaedjes
* [[Motî:vesse di leu|vesse di leu]]
* [[Motî:leu-waerou|leu-waerou]]
* [[Motî:waerleu|waerleu]]
* [[Motî:tchén-leu|tchén-leu]]
----
* [[leu|Dipus d' racsegnes so les leus]].
* [[leu (toponimeye)|les nos d' plaeces ki djåzèt do leu]]
* [[fosse ås leus|Dipus d' racsegnes so les fosse ås leus]]
* Li [[fåve do violoneu et do leu]]
* Li [[fåve do dierin leu]].
[[Categoreye:Motî]]