Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.

Pådje : Motî:lingaedje
Date : 2019-01-24T22:02:48Z
Uzeu : Reptilien.19831209BE1
Messaedje : +cat
URL : https://wa.wikipedia.org/w/index.php?oldid=341855

[wikicôde]

Wiktionary-logo.svg

Li mot "lingaedje" est recråxhî sol Wiccionaire

lingaedje [o.n.]

1. cåzaedje d' on peupe, diferin des cis des ôtes peupes ki vikèt astok. Dj' inme mî aveur on no flamind et disfinde li walon k' on no pår walon et leyî dcweli m' lingaedje (M. Slangen). Li lingaedje c' est çou ki permete al djin, cwand ele a ene zine dins s' cervea, del fé passer ås ôtes (L. Baijot). F. langue. >> lingaedje da Defrecheux, da Dante, da Voltaire, da Shaekspeare, da Goethe, da Cervantes: florixheures po djåzer do walon, di l' itålyin, do francès, di l' inglès, di l' almand, do castiyan. >> lingaedje d' oyi °.

2. manire di djåzer d' ene djin, diferin des djins ki vikèt avou leye. Come leu lingaedje est grossî ! On dit eto : cåzaedje, djåzaedje, pårlaedje. F. langage. >> ridresseu(se) di lingaedje.

3. (mot d' éndjolisse) eshonna di caracteres, simboles eyet rîles ki, eshonne, permetèt di scrire çou k' on programe doet fé. C' est co des vîs programes sicrîts e lingaedje Fortran F. langage (informatique).

Etimolodjeye et tcherpetaedje

Riwalonijhî calcaedje do F. "langage". [1]

Hårdêyes divintrinnes

Pî-notes

  1. On tcherpetaedje pår walon åreut dné “linwaedje” (bodje "linwe", cawete -aedje 2).