{{Wicionaire-motî|lodjî}}
lodjî ([[Codjowaedje lodjî|codjowaedje]])
I. [v.s.c.]
1. dimorer en ene måjhon, èn otel, ene cahoute. Gn aveut la ene pitite tchambe avou ene ravalêye po les vårlets lodjî. F. loger, habiter.
2. passer l' [[Motî:nute|nute]]. Dj' avans dvou lodjî dvant l' ouxh. F. loger, coucher.
II. [v.c.] diner l' [[Motî:djîsse 1|djîsse]] a. Les viyaedjes di Loncin et d' Awan N' ont måy sitî si florixhant Tolmonde asteure fwait ses crås pets Dispu k' i lodjèt les Francès (tchanson del [[Revolucion lidjwesse]]). Gn aveut des måjhones k' on lodjive les rôleus (ramexhné pa [[J.M. Pierret]]). Loukîz a: [[Motî:edjîstrer|edjîstrer]]. F. loger, héberger, abriter.
>> lodjî l' diale e s' boûsse: esse mo pôve. F. tirer le diable par la queue.
>> esse lodjeye å covint Sint Mitchî, deus tiesses so èn oreyî: esse marieye, tot djåzant d' ene feme.
>> esse lodjî al minme essegne: pårtaedjî les minmès rascråwes. Mins rovyîz vs ki vs estîz, cwand vos vs avoz maryî Lodjî al minme essegne ? Portant vs avoz viké (E. Remouchamps).
>> esse lodjî a ene boune, ene laide essegne: esse bén, må lodjî. Dji voe bén ki ns estans lodjîs a ene bele essegne, cial ([[D. Salme]]). Dj' estans vormint lodjîs al pire des essegnes Les cinas sont sins four gn a pus rén dvins les gregnes ([[A.J. Alexandre]]). Loukîz a: [[Motî:adlodjî|adlodjî]], [[Motî:dislodjî|dislodjî]], [[Motî:racalodjî|racalodjî]].
| lodjeu,
lodjeuse u
lodjresse [o.f.n.]
1. li ci (cene) ki lodje amon des djins. Pitit-z a ptit, on-z a fwait copiner l' lodjeu ([[J. Calozet]]). F. invité(e), logeur, euse.
2. li ci (cene) ki cwire a-z esse lodjî. I bergoléve avårla: c' esteut on lodjeu (ramexhné pa [[J.M. Pierret]]). F. (candjmint di stîle) rechercher l'hospitalité.
3. (pus stroetmint) djonne ovrî d' fosse ki lodjive dins ene måjhon d' on [[Motî:coron|coron]], la ki l' mwaisse-lodjeu, on houyeu eto, boutéve årvier di lu (onk fijheut l' djoû, l' ôte li nute).
>> li bon boket, c' est todi po l' lodjeu: li feme del måjhon aveut todi håsse di fé bebele å djonnea ki lodjéve e leu måjhone; Loukîz a: [[Motî:mwaisse-lodjeu|mwaisse-lodjeu]].
4. unité di mzura del cliyintele d' èn otel, ki corespond a ene djin et ene nute. Sol moes d' may, - a l' avirance, hin - dj' avans yeu cåzu l' dobe di lodjeus par djoû ki l' anêye passêye. Loukîz a: [[Motî:didjuneu|didjuneu]], [[Motî:nuteye|nuteye]]. F. nuitée.
| lodjisse [o.n.]
1. plaece k' on-z î lodje. To dirès ki c' est Bourlouf ki t' a consyî d' î dmander a lodjisse ([[J. Calozet]]). Loukîz a: lodjmint, [[Motî:dimoraedje|dimoraedje]], [[Motî:djîsse|djîsse]]. F. logis.
>> diner lodjisse, prinde a lodjisse: diner l' djîsse. F. héberger.
>> esse a lodjisse: esse al djîsse. Les ovrîs del campagne estént sovint a lodjisse amon les cinsîs. F. être hébergé.
>> prinde lodjisse: [[Motî:coûtchî|coûtchî]] (a ene plaece). Loukîz a: s' [[Motî:alodjî|alodjî]].
2. [[Motî:måjhone|måjhone]]. Il ont on bea lodjisse. On n' trove nén des beas lodjisses tos costés (J. Haust).
| lodje [f.n.]
1. pitite plaece k' on-z î pout lodjî. Li viyaedje s' a fwait come ene caracole, naturelmint, e lodjes di lumçons (P.J. Dosimont). F. loge.
>> lodje des tchvås: plaece dins les ståves wice ki li (les) tchvå(s) lodjive (lodjént).
2. cahoute di [[Motî:bokion|bokions]]. Loukîz a: [[Motî:barake|barake]].
>> les Lodjes: no d' plaece di Transene et di Smu, dins les bwès.
| lodjete [f.n.]
'''1.''' pitite lodje. Loukîz a: [[Motî:calodjete|calodjete]].
'''2.''' pitite [[Motî:måjhone|måjhone]]. T' aveus des viyès djins ki berdelént sol soû d' l' ouxh di lodjetes ([[R. Honoré]]). F. maisonette.
| lodjåve [addj.] k' on-z î pout lodjî. Ci n' est nén on palås, mins c' est co lodjåve. Loukîz a: [[Motî:nén lodjåve|nén lodjåve]], [[Motî:abitåve|abitåve]]. F. habitable, salubre.
| lodjmint [o.n.] lodjisse. Il ont rtrové on lodjmint.
| lodjoe [o.n.] (mot d' éndjolisse) [[Motî:copiutrece|copiutrece]] avou on raloyaedje al [[Motî:Daegntoele|Daegntoele]], et on sierveu so l' éndjole, ki lodje onk, ou di pus d' on siervice(s), metans siervices waibe, siervice d' evoyaedje di fitchîs FTP, evnd. F. hôte. Ingl host.
>> no d' lodjoe: dins l' adresse d' ene waibe, çou ki shût l' formule "http://" et k' c' est les mots (sovint troes) avou on pont inte di zels, ki vont disk' å no do fitchî, ki cmince pal silaxhe (/). I n' fåt nén di trop mete di nos d' lodjoe; våt mî fé tos des ridants et des sorridants. Li tchmin k' i gn a pa drî li slaxhe, nos d' fitchîs, evnd., c' est nén l' no do lodjoe nerén, c' est ene sacwè ki depind do siervice: sierveu d' waibe, sierveu d' sitrimigne radio, sierveus CVS po les programeus, sierveus d' imprimaedje ([[P. Sarachaga]]). Ingl. host name.
Etimolodjeye: [[cawete -oe]] (plaece di lodjaedje), [[noûmot do walon|1998]].
Parintêye:
* [[Motî:alodjî|alodjî]]
* [[Motî:elodjî|elodjî]]
* [[Motî:adlodjî|adlodjî]]
* [[Motî:dislodjî|dislodjî]]
* [[Motî:racalodjî|racalodjî]]
* [[Motî:calodjete|calodjete]]
Mots d' aplacaedje:
* [[Motî:lodjî foû|lodjî foû]]
* [[Motî:mwaisse-lodjeu|mwaisse-lodjeu]]