long, longue

I. [addj. todi padvant]

1. grand d' on coté et stroet d' l' ôte. F. long. >> esse ostant d' metes long aveur ostant d' metes di longueur. Li batea est 25 metes long. F. avoir une longueur de.

2. (imådjreçmint) foirt grand, hôt so pate, tot djåzant d' ene djin. Ene infirmire, longue come ene caisse d' ôrlodje, a moussî e s' tchambe (Chantal Denis). F. élancé.

II. [o.f.n.]

1. tot do long di [divancetire] so tote li longueur di. Il a csemé ses mannestés tot do long del voye. On dit eto : åd dilong di. F. tout le long de.

2. al longue [advierbire]: cwand ont fwait ça mo sovint. Al longue, i n' tént pus. F. à la longue. >> al longue des longues: al fén des féns. Tolminme, al longue des longues, vo vs la bén decidés (J. Orban). F. finalement, en fin de compte, en définitive.

3. al longue di (+ infinitif) [divancetire] a foice di. Al longue di saetchî dsu, tot skete (R. Arcq).

| longou, longowe [addj. todi padvant]

1. bråmint pus long k' lådje. Li guepård a on longou coir (P. Sarachaga). F. allongé, oblong, effilé.

2. (mot d' linwincieus) ki deure lontins, tot djant d' ene voyale. Li rfondaedje des longous O. F. long.

| longueur [f.n.] cwålité, difåt di çou k' est long.

Omonimeye (et kécfeye li minme sourdant etimolodjike)

• lon (nén tot près)

Parintêye

• ralongui
• åd dilong

Mots d' aplacaedje :

• lontins
• Lontchamp
• Longue-veye

Come addjectif di mzeure, "long" s' eploye estô estô di "di longueur"