loyî (codjowaedje) [v.c.] fé tni eshonne avou ene coide. Loukîz a: elaxhî, nukî. F. lier. >> pus biesse ki deus coshets loyîs eshonne: foirt biesse.

| loyaedje [o.n.]
1. no d' fijhaedje et no di çou k' est fwait (accion eyet si adierça) pol viebe "loyî". F. liaison, attache.
2. (pus stroetmint) prononçaedje eshonne del dierinne halcrosse cossoune d' on mot et l' voyale do mot ki shût. >> lete di loyaedje:: (mot d' croejhete) lete di bele-oyance, k' e rfondou, gn a ki "-z" et "-st".

| loyén [o.n.]
1. laxhe (coide po loyî ene biesse). Loukîz a: loye-cô. F. corde, lien, attache.
2. atnance.
3. hårdêye (so ene rantoele éndjolike). F. lien hypertexte.

| loyeure [f.n.]
1. plaece la k' ene sacwè est loyî. Loukîz a: nuk. F. attache. >> loyeure do Bon Diu: airdiè.
2. gros corion d' cur ki tént les deus pîces do flayea eshonne.

3. (mot d' croejhete) sene ortografike ki loye deus bokets d' on minme mot. F. trait d'union.

| loyeuse [f.n.] (mot d' cinsî) machine di cinse, atelêye a des tchvås u on tracteur, ki fåtchive les dinrêyes, les ramasser, et les loyî e djåbes. F. moissoneuse-lieuse.

Parintêye :

• aloyî.
• disloyî.
• raloyî.
• ridisloyî.

Mots d' aplacaedje :

• loye-cô.

Pwaire minimom :

• Loyi (viyaedje).

• Dipus d' racsegnes sol loyaedje et les letes di loyaedje.
• Dipus d' racsegnes so les loyeures (sene ortografike).
• Dipus d' racsegnes so les loyéns éndjolikes.
• Dipus d' racsegnes so les loyeuses.