lune (dins l’ lingaedje corant) u Lune (en astronomeye) li [[son U]] si prononce [[son ë|ë]] disk’ a Lidje ; did la les scrijhaedjes « leune » e Feller. Mins çoula n’ a nén stî ritnou e rfondou, ca gn a måy li prononçaedje « leûne ». 1. [no d’ asse] satelite del [[Motî:Daegne|Daegne]], ki s’ mostere å mitan di s’ moes, come ene grosse ronde bole pindowe å cir, ki lût del nute, et ki crexhe et discrexhe tos les 28, 29 djoûs. On dit eto: [[Motî:Bele|Bele]], [[Motî:Beaté|Beaté]]. F. lune, Lune. >> novele lune ; u tinre lune ; u djonne lune: li lune, k' est co tote noere å cminçmint di s' moes. C' est dmwin novele lune. F. nouvelle lune. >> deure lune ; u : >>  plinne lune: lune å plin mitan di s’ moes. F. pleine lune. >> aveur on vizaedje come ene [[Motî:plinne 1|plinne]]° lune: on bea rond vizaedje, ki mostere li boune santé. F. visage épanoui. >> i fåt planter a deure lune: [[Motî:doûce croeyance|doûce croeyance]] so l’ rapoirt del Lune avou l’ crexhance des verdeures. >> rossete lune ; u : >> rosse lune ; u : >> rodje lune: u : >> måle lune ; u : >> mwaijhe lune ; u : >> lune di måss ; u : >> lune d’ avri: aparexhance del lune avou ene rosse coleur e moes d’ måss u avri, sovint (mins nén todi) riwaitêye come di måle aweure. C’ est l’ rossete lune ki rossi les verdeures. Li rosse lune fwait poûssî les trukes. Loukîz a ([[ALW]] '''3.''' p. 36. >> li lune si bate avou l' solea ; u li lune djouwe avou l' solea: si dit tins d' ene [[Motî:eclipe|eclipe]] di lune. >> candjî a totes les lunes: candjî toltins. Fr. être instable, inconstant, versatile. >> esse dins l’ lune: tuziner, sondjiner. F. être dans la lune, être distrait. >> l’ ome k’ est dins l’ lune ; u : >> Djihan del Lune: doûce croeyance a cåze des dessins dins l’ lune. Djhan del Lune vos vénrè cweri, si vos dmorez avå les voyes ([[ALW]] 3). On dit eto: [[Motî:Bazin|Bazin]], [[Motî:Burno|Burno]], [[Motî:Djihan ås naveas|Djihan ås naveas]]. 2. satelite d’ ene [[bole (astronomeye)|bole ciryinne]]. C’ est l’ cwatrinme lune di Djupiter. F. lune. | lunatike [addj. todi padrî] ki candje d’ idêye a totes les lunes. F. "lunatique". == Mots d’ aplacaedje == * [[Motî:lune d’ aiwe|lune d’ aiwe]] == Minme sourdant etimolodjike == * [[Motî:dilon|dilon]] * [[Motî:londi|londi]] == Hårdêyes divintrinnes == * [[lune|Dipus d' racsegnes sol Lune]] * [[lune (d’ ene planete)|Dipus d' racsegnes so les lunes des boles cyryinnes]] * [[Bazin (ome dins l' Lune)| Dipus d' racsegnes so l’ ome k’ est dins l’ lune]]. == Sourdant et pî-notes ==