måjhon u måjhone [f.n.] '''1.''' bastimint k' on-z î dmeure. On repoirta li coixheye el måjhon et on l' coûtcha so on payî ([[L. Remacle]]). Vos sintîz dins tote li måjhone li gosse do toubak, c' esteut do smwès. Loukîz a : [[Motî:lodjisse|lodjisse]], [[Motî:lodjmint|lodjmint]], [[Motî:burgalo|burgalo]], [[Motî:cwårtî|cwårtî]]. F. maison. >> a m' måjhon, a nosse måjhon: djusse manire po dire "[[Motî:amon|amon]] mi" (k' est rsintou come on mot d' efant). F. chez moi. >> come ene måjhone: foirt grand. Il ont stî å Kenia u å Senegal, et i vs vinèt raconter k' i n a la des grands longous fleuves avou des bateas come des måjhones ([[J. Selvais]]). >>  drap d' måjhon: [[Motî:loke|loke]] a [[Motî:rlocter|rlocter]]. F. serpillère. '''2.''' (pus stroetmint, dins les vîs bastimints) plaece k' on s' î tént tofer, et magnî, et coujhner, eneviè li [[Motî:bele tchambe|bele tchambe]]. On pleut wårder ses niches solés el måjhon, mins nén el tchambe. F. cuisine, place commune. Etimolodjeye : bodje "måjh" (latén "mansus"), [[cawete -on]] | måjhonêye [f.n.] '''1.''' djins ki dmorèt dins ene metowe måjhon. Abraham houca s' fi Ismayel et tos les sclåves sikepyîs e s' måjhon ou atchté conte des cwårs, djo, tos les måyes di s' måjhonêye (Li [[Djneze]], ratournêye pa [[L. Hendschel]]). Amon nozôtes, ene måjhonêye, c' est ene sacwè ki tént pîce eshonne ([[L. Somme]]). Foû do traeyén del måjhonêye, li tåye ascoxhe li tins et les anêyes ([[B. Louis]]). Belès orondes, vinoz come tchaeke anêye, moes d' avri, ragaiyi l' måjhonêye ([[H. Lerutte]]). On dit eto : manaedje. F. maisonnée, foyer. '''2.''' famile, parintêye. Ene boune anêye, ene boune santé A vos et a vosse måjhonêye ([[G. Havelange]]). Bråmint des mames et des popas amerikins - cåzumint dijh meyes måjhonêyes - ont vèyou el dierinne anêye leus valets èn on vaxhea, tapés djus dvins l' guere d' Irak ([[G. Sfasie]]). F. maisonnée, famille. | måjhinete [f.n.] pitite måjhon. Li tcharité ki mousse el måjhinete Nel fwait k' al nute, avou meye precåcions ([[Tchant des Walons]]). Loukîz a : [[Motî:burgalo|burgalo]], [[Motî:cahoute|cahoute]], [[Motî:lodje|lodje]], [[Motî:cambuze|cambuze]], [[Motî:cassene|cassene]]. F. maisonnette. | måjhonçale [f.n.] '''I.''' (v.v.m.) pitite måjhon. '''II.''' Måjhoncele [n.pl.] hamtea d' [[Motî:Ebli|Ebli]]. [[scrîta|Vîs scrijhas]] : Maixencelle (1495). Tcherpintaedje : cawetes [[cawete -ale|-ale]] et [[cawete -ele|-ele]]. Parintêye : * [[Motî:måjhner|måjhner]] * [[Motî:måjhire|måjhire]] Mots d' aplacaedje * [[Motî:måjhon-comene|måjhon-comene]] ---- * [[måjhon|Dipus d' racsegnes so les måjhons]] * [[måjhon (toponimeye)|Dipus d' racsegnes so les nos d' plaeces del Walonreye ki vnèt di "måjhon"]] [[Categoreye:Motî]]