måvi [o.n.] gros noer moxhon avou on djaene betch, del famile des [[Motî:tchampinne|tchampinnes]], foirt corant, ki xhufele tofer, e sincieus latén Turdus merula. Sol melêye ki boute, li måvi s' kipagnteye di sôlantès tchansons ([[M. Dessauroux]]). Li grand bwès lyi shonne si dzôrné, enute, minme avou les gréves et les måvis ki xhuflèt ([[J. Calozet]]). Ti l' måvis, i t' fårè co rawårder kékes moes divant d' t' aler rimpli l' saetch des ceréjhes do tchersî ([[M. Frisée]]). Gn a on måvi ki rwaite, adjoké sul toetea, Sacwants troclets d' ceréjhes ki vôrént ddja meuri ([[F. Bovesse]] rat. pa ([[L. Mahin]]). On dit eto: noere tchampinne, noere gréve. F. merle noir. >> xhufler come on måvi: [[Motî:xhufler|xhufler]] sins rlaye. Dj' a dramtiné disk' al måjhone e xhuflant come on måvi. ([[Henry Matterne]]). >> blanc måvi: u >>  måvi blanc-colé: måvi avou on colé d' blankès ploumes, e sincieus latén latén Turdus torquatus >> ossu råle ki des blancs måvis: foirt råle. >> cwand k' on n' a pont d' blancs måvis, on magne des noers : i s' fåt continter di çou k' on-z a. Disfondowes: mauvi, mâvi, mâvî, mâvè, mauvî, mauvë, mauvè, mâvlë, mauvlë, miersipepieuzmint el mape [[A.L.W.]] 8.44 ey el notûle A.L.W. 8.72 Etimolodjeye : [[Etimolodjeye tîxhone|tîxhon]] maew, (mouwete), [[cawete -i]]. | måviåd måviåde [o.f.n.] 1. måvi. 2. flåwe valet, flåwe båshele (dit come traitaedje). F. mauviette. Disfondowes: mauviaud, mauviârd Mot d' aplacaedje : * [[Motî:måvi blanc colé|blanc måvi blanc colé]] * [[Motî:måvi d' ôr|måvi d' ôr]] * [[Motî:måvi d' aiwe|måvi d' aiwe]] ---- * [[måvi|Dipus d' racsegnes so les måvis]] * [[måvi blanc colé| Dipus d' racsegnes so les måvis blancs colés]] * [[fås ami|L' oujhea k' on lome ''mauvis'' e francès, n' est nén l' måvi, mins ene tchampinne (''Turdus musicus'')]]