Dji direu putôt:

- ki 1 et 3, c' est l' minme sins. - ki li sins 4 (lure) n' egzisse nén

->

maker (codjowaedje) [v.c.]

1. taper des côps, bouxhî so (ene sakî, ene sacwè; copurade sol tiesse; copurade avou ene sacwè). Il aveut côpé ene grosse coxhe di côre po sayî del moenner, et il esteut si foû d' lu k' afeye, i lyi åreut bén maké so les rins (J.P. Dumont). F. frapper, asséner un coup.

2. taper po fé piede kinoxhance. Flamind, si t' î rvéns co, dji t' make (B. Mirlon).

- Imådjreçmint, tot cåzant do solea: Vo l' la å dewôrs; i tådje; maké pal tcholeur; stoufant, k' i fwait (J.F. Brackman).

- Imådjreçmint: "On lyî a dné on médicament ki l' a maké" ou "pol maker".

rl a: assoumer. F. assomer, sonner, étourdir.

Pus stroetmint: touwer.

3. (imådjreçmint) sibarer pår. Come si dj' n' aveu nén co stî makêye assez, i m' a co pus esbarloufé cwand i m' a tapé å vizaedje k' il esteut vef (G. Belleflamme). rl a: estoumaker, amaker, tchoker. F. choquer, scandaliser, offusquer.

Sacwants parints: maké: sot, fô. Il e-st a mitan maké, por mi, d' aveur atchté ene nouve oto et k'i n' a pont d' cårs. macant: i fwait macant = I fwait tchôd, stof maca: (1) mårtea d' foidje (2) sôre di ptit mårtea pindou après èn ouxh, k' on s' sieve po toker et dmander k' on drouve. Åve, li veye do maca.