{{Wiccionaire-motî|malén}}
malén,
malene
'''I.''' [addj. padvant u padrî avou des sinses diferins & o.f.n.]
1. (metou padrî) (tot cåzant d' ene djin, d' ene biesse) [[Motî:sûti|sûti]], sûteye. C' est l' pus malén del fornêye. C' est èn ome malén; vos l' poloz croere. F. malin, intelligent.
>> Li pus malén s' fwait atraper: k' on dit po-z aswadjî ene sakî ki vént di s' fé emantchî.
>> Il est télmint malén k' i dismelreut bén les grossès poeres des ptites: i n' est nén co si malén k' ça.
>> nén malén po on sô; nén pus malén k' on n' l' a fwait: nén foirt malén, biesse. Loukîz a: [[Motî:pômalén|pômalén]].
2. (metou padvant) k' a tos les toûs po-z ariver a çk' i vout. C' est des maléns djonnes. Loukîz a [[Motî:malignant|malignant]]. F. malin, astucieux, rusé, futé, débrouillard.
>> C' est l' pus malén k' atrape l' ôte: on dit ça po s' fote d' ene sakî ki vént di s' fé emantchî.
>> A malén, malén deus côps: li ci ki s' croet malén po-z emantchî èn ôte, i trove co sovint pus malén k' lu.
>> Il est pus malén ki l' diåle u
Si l' diåle est pus malén k' lu, c' est k' il est pus vî: il a tos les toûs; il a on toû d' pus ki l' diåle.
>> t' es trop malén po l' Bon Diu, li diåle t' årès: dijhêye a ene sakî ki conte des mintes.
3. (metou padrî) (tot cåzant d' on må) mwais, ki n' riwerixh nén. Loukîz a: [[Motî:laid|laid]]. F. malin, grave.
>> catåre malén: sôre di maladeye des [[Motî:bovrins|bovrins]].
4. (tot cåzant d' ene djin) [[Motî:mwais|mwais]], mwaijhe.
>> Les Maléns: spot des djins d' [[Belvå dlé Bouyon]].
'''II.''' li Malén [n.pr.]
'''1.''' li [[Motî:diåle 1|diåle]]. Li Djôzef s' a ravizé; il a bén veu k' il aveut a fé å Malén ki lyi vleut djouwer on mwais toû ([[E. Benoit]]).
'''2.''' no d' ene popinete lidjwesse. I gn a l' Malén et l' Pômalén.
| malisté [f.n.] difåt d' ene sakî k' est malén (k' a tos les toûs po-z ariver a ses féns). I n' a nole malisté e coir (ramexhné pa [[L. Remacle]]). F. malice.
Parintêye :
* [[Motî:malice|malice]]
* [[Motî:malignant|malignant]]
* [[Motî:pômalén|pômalén]]
----
* [[catåre malén|Dipus d' racsegnes sol catåre malén]]
* [[diåle|Dipus d' racsegnes sol diåle]]
* [[teyåte di marionetes|Dipus d' racsegnes sol Malén et l' Pômalén et les ôtes poplinetes di Lidje]]