mangon, mangone [o.f.n.] li ci (cene) ki s' mestî c' est di cotaeyî les touwêyès biesses et vinde leu tchå. Vos estoz l’ feye da Mågnêye, li gros mangon d’ Feronstrêye ? (T. Beaudwin & M. Duchatto). Dins les viyaedjes, on trovéve on boldjî, on mangon, on botike, on coibjhî et, pocwè nén, on mwaisse taeyeu (A. Moch). On dit eto: botchî. F. boucher. >> Mangon-broû: no d' ene plaece di Djalhé, e F. Mangombroux, la-minme "Mâgôbrou".

| mangonreye [f.n.]

1. botike do mangon. Adon, li dame do lodjisse ala atchter nouv coisletes al mangonreye do viyaedje (G. Ghys). On dit eto: botchreye.

2. cwårtî economike a vey avou l' ovraedje do mangon. F. boucherie.

3. touwreye, macsådaedje di djins. Des siekes å long, Nosse peron fout l' temon Del djustice u del calinreye, ki rmouwént l' peupe a tot côp bon Fjhant sovint d' Lidje ene mangonreye (L. Lagauche). F. boucherie, tuerie, carnage.

Disfondowes

mangon 

mangon(e), magon, maugon, mongon(e)

mangonreye 

mangon'rèye, magon'rîe, mongon'rèye.

Vîs scrijhas

Mangonbroû 

Malgonbrut (1432) Magobroux (1537).

Sipårdaedje do mot e 20inme sieke

Coinrece payis d' Lidje

Hårdêye divintrinne

• Dipus d' racsegnes sol mangonreye
• Dipus d' racsegnes so les nos d' plaeces del Walonreye a vey avou des mestîs