mastea [o.n.]

1. grande pîce metowe å mitan d' on batea, et k' les toeles pindèt après. Li mastea a tcheyou sol pont do batea. Mins l' aiwe soreye å gré do vint… E m' nute tote noere et sins ene loumrote, Voste imådje s' a clawé Å mastea di m' coir sins åme (M. Vignette). F. mât. >> leyî l' mastea djus: el planter et l' astoker sol plantchî do batea. F. planter. >> ridressî l' mastea: li rmete droet. F. guinder. >> disfé l' mastea: el rissaetchî po leyî rpoizer l' batea. F. démâter. >> i fwait come les vîs masteas, i clintche: dijhêye po on vî ome.

2. grande pîce plantêye e tere po-z î mete on drapea, evnd. On sôdård si tneut pa dzeu, so on daegn ewou çk' i gn aveut, d' après çou ki dj' poleu vey, k' on foirt long mastea (L. Hendschel). F. mât.

3. måjhon, manaedje. >> tini l' mastea: tini l' pot droet. Li cinsî codujheut foirt adroetmint si cinse, do tins k' el cinsresse tineut fén parey li mastea avou ene seule siervante (P. Renson). F. diriger le ménage. >> tini l' mastea eshonne: si mete e manaedje. >> rimete li mastea d' adrame: rassonrer ene måjhon wice ki totafwait esteut cou dzeu cou dzo. Li feme da André rivna todi pus sovint e s' måjhone; ele rimeta pidjote a midjote li mastea d' adrame (J.P. Dumont). >> on vî mastea: on vî bastimint. I dmeure å vî mastea d' al copete. Ci hopea d' vîs masteas la broûlrè come ene brocale. Ene riguilite di vîs masteas (Motî da Haust).

4. trin di deus troes bateas, on grand et deus ptits k' on-z a distcherdjî l' grand dsu, metans po passer di Mouze so Sambe. F. train de bateaux.

5. coulot. On vî mastea d' måjhones. F. pâté de maisons.

Parintêye :

• master
• dimaster

• Dipus d' racsegnes so les masteas d' batea