mastea [o.n.] 1. grande [[Motî:pîce|pîce]] metowe å mitan d' on batea, et k' les [[Motî:toele|toeles]] pindèt après. Li mastea a tcheyou sol pont do batea. Mins l' aiwe soreye å gré do vint… E m' nute tote noere et sins ene loumrote, Voste imådje s' a clawé Å mastea di m' coir sins åme ([[M. Vignette]]). F. mât. >> pitit mastea: pus ptite pîce, po mete les pus ptitès toeles. F. mâtereau. >> leyî l' mastea djus: el planter et l' astoker e plantchî do batea. F. planter. >> ridressî l' mastea: li rmete droet. F. guinder. >> disfé l' mastea: el rissaetchî po leyî rpoizer l' batea. F. démâter. >> [[Motî:siketer|siketer]] l' mastea: cwand i s' casse a deus dins ene timpesse. F. démâter. >> i fwait come les vîs masteas, i clintche: dijhêye po on vî ome. 2. grande pîce plantêye e tere po-z î mete on drapea, evnd. On sôdård si tneut pa dzeu, so on daegn ewou çk' i gn aveut, d' après çou ki dj' poleu vey, k' on foirt long mastea ([[L. Hendschel]]). F. mât. 3. [[Motî:acawêye|acawêye]] di deus bateas, on grand on ptit k' on-z a distcherdjî l' grand dsu, metans po passer di Mouze so Sambe, et k' on raloyive kécfeye tot [[Motî:dimaster|dimastant]]. F. train de bateaux. 4. [[Motî:måjhon|måjhon]], pa stindaedje å cmincî del ratourneure : >> tini l' mastea: s' ocuper di tot çou k' i fåt po fén ndaler on [[Motî:manaedje|manaedje]]. Li cinsî codujheut foirt adroetmint si cinse, do tins k' el cinsresse tineut fén parey li mastea avou ene seule siervante ([[P. Renson]]). On dit eto : tini l' [[Motî:pot|pot]] droet. F. diriger le ménage. >> tini l' mastea eshonne: si mete e manaedje. >> rimete li mastea d' adrame: rassonrer ene måjhon wice ki totafwait esteut cou dzeu cou dzo. Li feme da André rivna todi pus sovint e s' måjhone; ele rimeta pidjote a midjote li mastea d' adrame ([[J.P. Dumont]]). >> on vî mastea: on vî bastimint. I dmeure å vî mastea d' al copete. Ci hopea d' vîs masteas la broûlrè come ene brocale. Ene riguilite di vîs masteas ([[Motî da Haust]]). 5. [[Motî:coulot 1|coulot]] (di viyès måjhones). On vî mastea d' måjhones. F. pâté de maisons. (pa stindaedje do sinse di dvant, avou assaetchance di [[Motî:påstea|påstea]]). Parintêye : * [[Motî:master|master]] * [[Motî:dimaster|dimaster]] ---- * [[mastea|Dipus d' racsegnes so les masteas d' batea]] * [[distcherdjaedje des bateas po rmonter ene aiwe|Dipus d' racsegnes so distcherdjaedje des bateas po rmonter ene aiwe]] [[Categoreye:Motî]]