matante [f.n.] 1. sour do pa u del mame. Ele breyeut sol fosse di s' fré et ele n' åreut nén yeu ndalé sins s' matante ki l' a prin pal mwin et l' moenner evoye ([[J. Porti]]). F. tante. >> matante di souke : matante k' a bråmint des cwårs, et k' on fwait åtou d' leye. >> si matante end åreut, ci sereut mononke : (måhonteus) dijhêye po onk ki fwait tot ene divize avou des "si", mins cwand on cåze avou des djins ki n' sont nén a l' après d' ene [[Motî:cråsse|cråsse]]; "end åreut" vout dire "åreut des [[Motî:coye|coyes]]". Franwal: ahåyant po "F. Avec si on met Paris ene bouteille ". >> si matante åreut des rowes, ça freut ene bele tcherete: dijhêye po onk ki fwait tot ene divize avou des « si »; gn a pont d' avance di fé des supôzicions avou toplin des « si ». >> rabressî come les matantes: tot fjhant troes båjhes. On dit eto: come al [[Motî:dicåce|dicåce]]. 2. viye comere. Elle a dmoré matante ([[H. Forir]]). F. célibataire. 3. (ene miete fotant) feme pus viye ki vos, et k' on lyi doet l' respet. Avans dju ri, don, vormint, cwand vs avoz lomé l' beguene "matante" ([[J. Lahaye]]). 4. (foclore walon) no di sacwantès femes (pus viyes) dins l' soce Rweyål Club walon d' Måmdey. Etimolodjeye : sustantivaedje do F. "ma tante" (po-z atôtchî si matante). Mot d' aplacaedje : * [[Motî:matante-tåye|matante-tåye]] ---- * [[Pitit d' mon les matantes (roman)| « Pitit d' mon les matantes », on roman da Joseph Calozet]]. * [[Rweyål Club Walon d' Måmdey|Dipus d' racsegnes so les frés et les matantes do Rweyål Club walon d' Måmdey]].