{{Wiccionaire-motî|matante}}
matante [f.n.]
1. [[Motî:sour|sour]] do pa u del mame. Ele breyeut sol fosse di s' fré et ele n' åreut nén yeu ndalé sins s' matante ki l' a prins pal mwin et l' moenner evoye ([[J. Porti]]). F. tante.
>> matante di souke: matante k' a bråmint des cwårs, et k' on fwait åtoû d' leye.
>> si matante end åreut, ci sereut mononke: (måhonteus) dijhêye po onk ki fwait tot ene divize avou des "si", mins cwand on cåze avou des djins ki n' sont nén a l' après d' ene [[Motî:cråsse|cråsse]]; "end åreut" vout dire "åreut des [[Motî:coye|coyes]]". Franwal: ahåyant po "Avec des si on metrait Paris en bouteille".
>> si matante åreut des rowes, ça freut ene bele tcherete; u :
>> si matante åreut des roles, ci sereut ene oto; u:
>> si matante åreut ene rôlete, ci sereut ene berwete; u:
>> si matante åreut des rôletes, ci sereut ene trotinete; u:
(måhonteus) >> si matante åreut des coyes, ci sereut mononke; u:
(radoûcixhanmint) >> si matante end åreut, ci sereut mononke: dijhêyes po onk ki fwait tot ene divize avou des "si"; gn a pont d' avance di fé des supôzicions avou toplin des "si".
>> rabressî come les matantes: tot fjhant troes båjhes. On dit eto: come al [[Motî:dicåce|dicåce]].
2. viye [[Motî:comere|comere]]. Elle a dmoré matante ([[H. Forir]]). F. célibataire.
3. (ene miete fotant) feme pus viye ki vos, et k' on lyi doet l' respet. Avans dju rî, don, vormint, cwand vs avoz lomé l' beguene "matante" ([[J. Lahaye]]).
4. (foclore walon) no di sacwantès femes (pus viyes) dins l' soce [[Rweyål Club walon d' Måmdey]].
== Etimolodjeye ==
[[sustantivaedje]] do F. "ma tante" (po-z atôtchî si matante).
== Mot d' aplacaedje ==
* [[Motî:matante-tåye|matante-tåye]]
== Hårdêyes divintrinnes ==
* [[Pitit d' mon les matantes (roman)|« Pitit d' mon les matantes », on roman da Joseph Calozet]].
* [[Rweyål Club walon d' Måmdey|Dipus d' racsegnes so les frés et les matantes do Rweyål Club walon d' Måmdey]].
[[Categoreye:Motî]]