milouter ([[Codjowaedje bouter|codjowaedje]]) [v.c.] '''1.''' fé bén åtoû (d' ene sakî, d' ene biesse). Li gade, ele pårtaedje li vicaedje des pôvès djins, et elle est sogneye, miloutêye, ureuse avou zels ([[E. Gillain]]). Il a stî milouté pa les deus vîs ki l' ont pouri gåté sins s' è rinde conte ([[H. Matterne]]). Ostant vey on tchet po s' fé milouter, gnåwåd åtoû d' ene djin ([[A. Laloux]]). Signeur, Vos ki fwait lever l' solo so les bons et so les metchants, et dner del plouve ås djusses et ås petcheus: loukîz nos, et nos milouter, et nos candôzer ([[G. Sfasie]]). On dit eto: [[Motî:gåter|gåter]]. Loukîz a: [[Motî:candôzer|candôzer]]. F. choyer, gâter, cajoler, dorloter, câliner, entourer de petits soins. '''2.''' bén s' ocuper d' (ene sacwè). Ké bouneur d' aveur sayî, on côp di s' veye, li pus råle biyoke, sins bourder, ki Zande miloute dins s' djårdén ([[J. Decossaux]]). F. choyer, bichonner, traiter avec le plus grand soin. | miloutaedje [o.n.] no d' fijhaedje et no di çou k' est fwait (accion eyet si adierça) pol viebe "milouter". Il a saiwé d' on randon foû des miloutaedjes, et vorer a dadaye eviè les bwès ([[E. Gilliard]]).|]]).[[So les tienes (roman)|So les tienes]], p. 8, cité dins l' [[Motî da Gilliard]]. F. cajolerie, câlinerie, soins attentifs. | milouteu, milouteuse u miloutresse [o.f.n.] onk (ene) ki miloute. On milouteu, l' Djo, cwand i vos vleut etourpiner ([[Motî da Gilliard]]). Loukîz a : [[Motî:andoûleu|andoûleu]]. F. cajoleur, enjôleur. | milouteus, milouteuse [addj., purade padvant] ki miloute voltî. Elle aveut l' toû di prinde ene pitite milouteuse vwès ([[Motî da Gilliard]]). Schoûtez nos, nozôtes, les petcheus ki vos preye; fouxhoz milouteus avou nos, et fé ene croes so tos nos petchîs; schoûtez nos et s' purdoz pitié ([[G. Sfasie]]). F. cajoleur, câlin. | milouteuzmint [adv.] tot miloutant (ene sakî). Signeur, ki fwait droets les pas del djin: loukîz milouteuzmint vost ovrî Tibî Meyî, et fé ene croes so tos ses petchîs ([[G. Sfasie]]). F. doucereusement. == Etimolodjeye et tcherpetaedje == ;milouter : viebe fwait so "[[Motî:miloude|miloude]]", [[ribetchfessaedje]] di "[[Motî:midoûle|midoûle]]" (feme foirt doûce) Li D eyet li R sont mostrés pal disfondowe di [[Nodwé]] : djë mëlodéye (''dji miloûrdêye'')., avou [[adurixhmint del cossoune]]. ;milouteu : [[no d' fijheu]] ;milouteus : [[cawete -eus]] ;milouteuzmint : [[cawete -euzmint]], [[Noûmot|2005]]. == Mots vijhéns == Mots foirt près dins leu sinse, et avou l' minme djeu d' cossounes : * [[Motî:midoûler|midoûler]] * [[Motî:midoner|midoner]] * [[Motî:amilourder|amilourder]] * [[Motî:adolmiter|adolmiter]] * [[Motî:amidjoler|amidjoler]] == Disfondowes == ;milouter : milouter, mëloder (djë mëlodéye). == Sicrijhas ezès motîs == ;milouter : miloutè [C1, C100], milouter [C9, C100, C106], nén dins C8, C57, C105, E1, O0. ;miloutaedje : miloutadje [C1, C100, C106] ;milouteu: milouteû, -se [C106]. Loukîz al [[Djivêye des motîs]]. == Sipårdaedje do mot e 20inme sieke == Coinreces [[Walon do Mitan]]. == Sourdants ==