minne [prono] prono omrin et femrin, metou avou "li" u "les" u "da" padvant, i mostere ene sacwè, ene sakî, kel [[Motî:cåzant|cåzant(e)]] end est l' prôpietaire. 1. li minne, les minnes: Des båsheles di nosse banket, c' est l' minne li pus djoleye ([[N. Bosret]]). Dji triyanéve e pressant s' mwin dins l' minne ([[J. Bertrand]]). F. le mien & la mienne; les miens & les miennes. >> les minnes: les djins di m' famile. >> Dji vs va dire li minne: Dji vs va dire çou ki dj' pinse, dji vos va raconter çou k' dj' a viké. 2. da minne: da [[Motî:mi 1|mi]].
a) avou l' viebe esse. A ç' moumint la, li måjhone esteut da minne. Franwal: ahåyant po: "appartenir". b) après on no: refoircixha di "mi". Mi feme, da minne, elle a des hantches d' elefant, ci nute ci, dji m' el va tromper" ! ([[P. Otjacques]]). Wilicom ! Vos estoz li bénvnou(owe) so l' uropeyinne waibe da minne (Stéphane Dohet). Asteure ki dj' esténs foû del sipexheur, dji raveu m' tuzaedje da minne ([[L. Mahin]]). Waitîz mi ratayon, da minne: i n' esteut nén ddja nè Toutsi, nè Houtou. (L. Mahin). Pol moumint, des waibes so l' anea waloncåzant, end a waire: gn a ki les cis ki dj' so waiburlin: li pådje da minne, et ds ôtes ([[P. Sarachaga]]). F. mon (ma) ... à moi. Disfondowes: min.ne, mîne, mine mëne, monk, mink, méⁿk, mék, min, mègn, méⁿ, mé, mîⁿ, mî, myin; (femrinnes), mine, mëne, mène, méne, méⁿke, méke, minke, mègne, miène; miersipepieuzmint el mape [[A.L.W.]] 2.49 ey el notule A.L.W. 2.51. Etimolodjeye: latén meum (minme sinse). ---- * [[prono|Dipus d' racsegnes so les pronos]]. * [[Dji vs va dire li minne|"Dji vs va dire li minne", c' est on live da Emile Sullon]]. [[Categoreye:Motî]]