mizere I. [f.n.] 1. pôvrité. >> grandeur ådfoû, mizere ådvins: dijheye po on minåbe ki fwait l' grandiveus ådfoû. >> ene mizere di: on, ene foirt pôve, foirt minåbe. C' esteut ene mizere di tchaplete fwaite avou des tchvirons taeyîs al hepiete divins des coxhes di tchinne ([[R. Painblanc]]). 2. måleur. C' est bén a cåze di ces indjustices sociåles la k' i gn aveut tant d' mizeres di totes sôres sol payis ([[G. Lucy]]). Pus ki vos froz, pus ki vos vos end acwirroz, des mizeres ([[R. Dedoyart]]). Les manaedjes ki n' vont pus k' so ene fesse, sovint pa respet des efants, i s' racovtèt dins leu mizere([[R. Dambly]]). C' est ene mizere sav', li ci k' i fåt ki prinde des ovrîs (ramexhné pa [[L. Remacle]]). On dit eto: [[Motî:eguegne|eguegne]], [[Motî:mehin|mehin]], [[Motî:rascråwe|rascråwe]]; [[problinme|Loukîz al sinonimeye]]. F. souci, problème. >> cachî, cweri mizere a: [[Motî:acweri|acweri]]. On n' cache nén mizere a on Congolès pask' i travaye å noer ([[D. Vanderstoken]]). >> vini å coron d' ene mizere: endè rexhe. Po nosse payis walon, po k' i trove dins les mizeres d' ådjourdu li coraedje et les moyéns po ndè vni å coron ([[E. Gilliard]]). >> Cwand on [[Motî:kinoxhe|cnoxhe]]° les mizeres des ôtes, on rprind co les sinnes. >> [[Motî:tuzer|tuzer]]° poenne et mizere: 3. (po rire u honteuzmint) [[Motî:mozete|mozete]]. Catchîz vosse mizere! F. sexe, vulve. 4. [[Motî:crouwå|crouwå]] (måle yebe ki crexhe dins les cortis, les semés tchamps). On dit eto: [[Motî:mannesté|mannesté]], [[Motî:nichté|nichté]], [[Motî:runin|runin]]. F. mauvaise herbe. 5. mannesté. Li cantonî rnetyive les filés d' aiwe avou on ramon et ene schoupe, et tcherdjî les mizeres dins s' berwete ([[M. Hubert]]). F. saleté, ordure, immondice. II. Li Mizere u Les Mizeres Li, les Mizere(s) [n.pl.] no di sacwants hamteas del Walonreye. | mizeråve [addj. padvant u padrî] ki vike el mizere. Il aveut intré dins on mizeråve forni et il a trové s' crapåde abiyeye avou des cayets come des lokes ([[G. Lucy]]). On dit eto: [[Motî:pôvriteus|pôvriteus]] | mizeråvmint [adv.] d' ene mizeråve manire. Les pôvès djins sayént pa tos les moyéns d' viker, djusse mizeråvmint; dji dirans puvite : di fé vicoter leu famile ([[G. Lucy]]). On dit eto: [[Motî:pôvriteuzmint|pôvriteuzmint]]. | mizerreye [f.n.] moncea d' mizere, situwåcion d' mizere. Des mwins tindowes ki rmolént leu mizerreyes dissu l' apas di m' vicåreye ([[D. Trempont]]). F. indigence, dénuement, saloperie. Parintêye : * [[Motî:mizeryî|mizeryî]] Mots d' aplacaedje : * [[Motî:batch ås mizeres|batch ås mizeres]] ---- * [[Mizere (toponimeye)|Dipus d' racsegnes so les hamteas lomés "Mizere(s)"]]