molén [o.n.] 1. bastimint la k' on [[Motî:moure|moût]] ene [[Motî:dinrêye|dinrêye]], copurade do grin. Tins del guere, dj' avans yeu des cotcheus ; i ramassént del blè dins les cines et i rpassént å molén pol moure (ramexhné pa Jacky Adam). Cwand vos seroz houte di l' Ôlreye, on vî molén ki toume e pîces, vos trevåtchroz li hamea d' Veve ([[J. Houziaux]]). Loukîz a : [[Motî:mônî|mônî]], [[Motî:mieule|mieule]]. >> molén a l' aiwe, molén å vint, molén electrike: molén ki va a l' aiwe, å vint, a l' electrike. Li tiesse mi toûne dedja come on molén å vint ([[Les Ipocondes (operå)|Les Ipocondes]]). >> molén ås fayenes, ås schoices: molén ki moût des fayenes, des schoices. >> pire di molén: pires ki tounèt et moure li grin inte di zels >> somadjî a fé tourner les aiyes d' on molén: somadjî foirt >> fé rivni d' l' aiwe sol molén : fé rintrer des cwårs e manaedje. >> Salzene les Moléns: no d' plaece, so [[Sambe]], vizan-vizu d' [[Motî:Salzene|Salzene]] ewou k' i gn aveut l' molén del abeye di Salzene. 2. usteye po moure ene dinrêye. Gn a nén d' l' electrike po fé aler l' molén et mi dj' a rovyî d' moure li cafè ([[A. Maquet]]). >> molén å cafè: [[Motî:trimouye|trimouye]] u molén electrike. F. moulin à café. 3. usteye ki toûne. Cwand les rowes, dins nosse tiesse, ni tournént pus foirt bén, On mawyive des fayenes po-z ecråxhî l' molén ([[L. Piron]]). El tins, on l' moût et on l' rimoût å grand molén del vicåreye ([[L. Lecomte]]) >> molén a fiyî: usteye ki toûne et k' on feye del linne avou. F. rouet. >> molén ås paroles: berdeleu. Les caisresses voeynut passer des soriants, des grigneus, des pressès, des båyåds, des maweas, des begyåds, des moléns ås paroles, des spepieus, des djan-fote des målureus et mwints côps... on conteu d' fåves ([[C. Massaux]]). 4. pitit molén, molén a l' aiwe : [[Motî:mozete|mozete]] d' ene feme, eneviè li "molén å vint" (li drî ki [[Motî:vesser|vesse]]). F. vulve. >> si mere lyi a leyî deus moléns, onk a l' aiwe et l' ôte å vint: ele ni lyi a rén leyî (ki ses trôs naturels). >> elle a l' molén do cou spiyî: po ene comere ki rote tot alårdjixhant les djambes. Etimolodjeye : bodje A do viebe [[Motî:moure|moure]], [[cawete -én]]. | molene [f.n.] (v.v.m.) molén. Loukîz a : [[Motî:Li Molene|Li Molene]]. Parintêye : * [[Motî:molinea|molinea]] Nos d' plaeces : * [[Motî:pexhon-molén|pexhon-molén]] * [[Motî:Molénvå|Molénvå]] * [[Motî:Li Molene|Li Molene]] Nos d' famile : * [[Motî:Molén|Molén]] * [[Motî:Molene|Molene]] * [[Motî:Molinea|Molinea]] * [[Motî:Demolén|Demolén]] ---- * [[molén (discramiaedje)|Dipus d' racsegnes so totes les sôres di moléns]] * [[molén|Dipus d' racsegnes so les moléns å grin]]