monsieu [o.n.] 1. Monsieu (Pl. [[Motî:Messieus|Messieus]] u monsieus) mot po-z atôtchî ou djåzer polimint d' èn ome. Dji rmerceye Monsieu l' Govierneu d' aveur fwait hôt avou nozôtes (F. Marten). Monsieus les sins-payis. F. monsieur, messieurs. >> monsieu dame; u >> monsieus dames: dijhêye po dire bondjoû a èn ome et ene feme, u a des omes et de femes. Salut, monsieu dame, gn a pont d' disrindjmint ? ([[Arthur Masson]]). 2. ome hôt plaecî. Nos capotes disfligotêyes si frotnut ås frakes des monsieus k' ont des dints d' ôr et ki boevnut l' tchampagne ([[E. Wartique & E. Thirionet]]). I gn a vnou des beas monsieus avou des gabardenes. On dit eto: [[Motî:menir 1|menir]], [[Motî:legume|grosse legume]], [[Motî:colé|gros colé]]. F. personnalité. 3. (v.m.) no respectiveus po djåzer a èn eveke u cåzer d' lu. Loukîz a: [[Motî:monsegneur|monsegneur]]. >> plaece Monsieu: (so plaece: Plèce Monseu) no d' ene plaece di [[Motî:Cînè|Cînè]]. 4. sôre d' inseke avou cwate grandès aiyes ki vole come èn areyoplane åd dilong des aiwes. Loukîz a : [[Motî:damjhele|damjhele]]. F. libellule. ---- * [[Damjheles et monsieus (odonates)|Dipus d' racsegnes so les monsieus (insekes)]] [[Categoreye:Motî]]