mot [o.n.] li pus ptit boket do cåzaedje k' a on sinse a lu tot seu; çou k' i gn a inte deus vudes dins on scrît. >> laid mot: mot måhonteus a dire. F. insanité, injure, insulte. >> djivêye di mots: pitit motî (sovint metou al fén d' on ptit live, dins on lingaedje ki les léjheus ni cnoxhèt nén bén). F. glossaire. | motî [o.n.] pitit live di mots; djivêye di mots, sins todi tos les pondants et les djondants. Li mwaisse-ouve då Lucien Léonard dimore si "Lexique namurois" (1969), on gros spès motî adjinçné idêye pa idêye. Vos estoz ki léjhe "Li Splitchant Motî do walon". On Francès ki lit Rabelais dins l' mwaisse-sicrijhaedje, i n' î comprind kèndal; lyi fåreut cåzu on motî d' ancyin francès po tchaeke mot (L. Mahin). rl a: [[Motî:diccionaire|diccionaire]]. F. lexique. Etimolodjeye: calcaedje riwalonijhî do noûmot galo "motier" (minme sinse), 1995. | motlî [o.n.] 1. tos les mots k' on scrijheu eploye dins ses tecses, k' on cåzeu dit dins ses dvizes. Li stîle "Relîs Namurwès 1990", c' est ene grande sogne sol croejhete, wice k' on eploye, a tot cop bon, les emantchaedjes pår walons, et on foirt ritche motlî, avou waire di mots rfrancijhîs, metous dins des ptitès coûtès fråzes. 2. målåjheys mots d' dins on studia. Vocial li motlî del Pitite Croejhete (L. Hendschel). F. vocabulaire. Etimolodjeye: minme mot ki "motî", avou on ristitchî L, dizo l' assaetchance di tchårlî, cwårlî, evnd.