nareus, nareuse [addj. purade padvant] 1. k' est rade disgosté (êye) divant èn amagnî., divant ene mannesté, ki n' magne nén åk ene miete måssî, ene miete må prezinté, k' a s' cour ki leve cwand il ode ene sacwè ki sint on pô mwais. I n' fåt nén esse nareus po mindjî avou des pourceas pareys. I n' sait vudî m' pot d' tchambe : il est trop nareus. Ele a volou fé on toû ås cabinets; ça lyi a fwait sovni d' ene cavale arabe, si fire et si nareuse, ki po rén, ele n' åreut pixhî udonbén pråtlé cwand il esteut monté dsu ses rins ([[J. Schoovaerts]]). Les vatches, les tchvås crevés, rade on ls a vnou elver, Po les djins nén nareus, ké beas bolis d' trovés ! ([[L. Bernus]]). On dit eto: [[Motî:dinarieus|dinarieus]], [[Motî:nacsiyeus|nacsiyeus]]. F. délicat, facilement dégoûté. >> i n' est nén foirt nareus: i fwait voltî les mannetès ovraedjes, ki les ôtes ni volnut nén fé. >> on n' est nén nareus d' lu-minme: dijhêye po ene sakî ki n' vout nén poirter si prôpe [[Motî:xhlé|xhlé]] evoye, evnd. 2. ki n' magne nén did tot. Bén vs estoz des nareus, on si bon boli ! Si vos årîz bén fwin, vos n' serîz nén si nareus. Dj' a boevou do laecea d' chamo; cwand on-z a soe, on n' est nén nareus; on mindjreut did tot ([[Y. Gourdin]]). I fåt si waire po fé èn ureus On boket di pwin, sacwants rizetes On cour ki n' fouxhe nén trop nareus ([[M.A. Frère]]). Fåt nén esse nareus, séss, li prumî côp k' on-z est priyi en ene famile tatåre, et k' on n' est nén erotiné a ces amagnîs la ([[L. Mahin]]). On dit eto: [[Motî:friyand|friyand]]. F. difficile à contenter pour la nourriture. >> fé l'nareus: fé l' målåjhey po mindjî. >> on bon pourcea n' est nén nareus di s' batch: dijheye po ene sakî ki magne did tot, k' a boun apetit. 3. (imådjreçmint) nén nareus: ki n' si fwait nén priyî. Deus munutes divant li fén do 2inme tîme, li referé amerikin xhufele penalti po Norvedje; les Norvedjins, nén nareus, li markèt sins crankyî ([[L. Mahin]]). F. allègrement. >> l'apoticåre n' est nén nareus d' ses droukes: elzès vind voltî. 4. [[Motî:mannet|mannet]], k' a l' [[Motî:nåze|nåze]] ki lyi pind å nez, tot djåzant d' èn efant. Alez s' vos laver, vos, ptit nareus ! On dit eto: [[Motî:crås-nez|crås-nez]], [[Motî:mourgagne|mourgagne]]. F. morveux, malpropre. Etimolodjeye : bodje nar- ([[Motî:narene|narene]]), [[cawete -eus]]. | narineus, narineuse [addj. purade padvant] nareus(e). Ele n' esteut nén narineuse, mins ele apiça avou des ecnêyes gazetes et poyaedjes et les tapa-st e feu ([[J.P. Dumont]]). F. facilement dégoûté. Etimolodjeye : minme mot avou l' cawete -eus fwait direk so "narene". | nariveus, nariveuse [addj. purade padvant] nareus(e). F. facilement dégoûté. Etimolodjeye : Etimolodjeye : [[cawete -iveus]]. Mots-parints : * [[Motî:narene|narene]] * [[Motî:dinarieus|dinarieus]] ---- * [[francès d' Walonreye|"nareus", sicrît "nareux", est eto eployî e francès d' Walonreye]]