niche [addj.] mannet, copurade:
1. nén prôpe. Dins l' decor, foirt speciå, del veye måjhon da Pôl Dåbe, les gamins s' î rtrovént cåzu tos les djoûs. Portant, il î fwait teribmint niche. - Maurice Georges.
2. nén prôpe, imådjrece. Il ont rivnou avou l' figueure tote niche.
3. (dins les traitaedjes) haeyåve. Taijhe tu, niche verat ! rl a: sale. Etimolodjeye: Calcaedje do gåmès.
| nichté [f.n.] mannesté, copurade:
1. sacwè d' mannet. F. saleté. >> nichtés d' måjhon: yôrdeures di manaedje.
2. crouwå. "dihawter", c' est rnetyî des nichtés åtou des yerbêyes. F. mauvaise herbe. rl a: yebe, mannesté, runin, mizere.
| nichleus [o.n.]
1. djeu d' cåtes wice k' on tape evoye les deus cåtes ki s' rishonnèt, et k' on-z a rsaetchî l' valet d' make evoye; li ci ki dmeure avou l' valet d' påle a pierdou.
2. li valet d' påle lu-minme, a ç' djeu la. On dit eto: maxhuré, noer kikich, pouwant. F. valet de pique.
Disfondowes: nichleus, nichreus. Coinreces Basse-Årdene.
Parintêye:
- anichter, anichî
- Assaetchance di "niche" dins li rwalonijhaedje di sulniche