nier [o.n.] '''1.''' sôre di fyi ki court dins l’ coirs des biesses et fé passer do corant do [[Motî:cervea|cervea]] eviè les [[Motî:tchå|tchås]] et les [[Motî:dispoye|dispoyes]], et å rvier. Come les ôtes, dji hertcheye a m' cou on vî mehin k' on lome li lwè do talion, ki mes niers ravikèt a fwait ki m' cervea el pîtlêye ([[R. Brialmont]]). F. "nerf". >> aler so ses niers: esse rade måvlé. F. "être sur ses nerfs, avoir les nerfs tendus". >> esse sovint so ses nier: esse sovint mwais. F. "colérique". >> sofri des niers ; u : >> aveur ene maladeye di niers ; u : >> esse prins des niers: esse malåde del tiesse et vite mwais. F. "maladie nerveuse". >> ene atake di niers: ene crijhe di niers. F. "crise de nerfs". >> i m' dene so les niers; u : >> i m' tape so les niers; u : >> i m’ reboltêye les niers; u m’ fwait araedjî. On dit eto : [[Motî:amwaijhi|amwaijhi]], [[Motî:måvler|måvler]], [[Motî:corcî|corcî]]. F. "exaspérer". '''2.''' blanc tissu foirt deur ki raloye les musses ås oxheas. C’esteut on boket d' tchå tot plin d' niers. F. "nerf, tendon, aponévrose, ligament". >> c’ est on paket d’ niers ; u : >> bole di nier ; u : >> ci n’ est k’ on nier: dijhêyes po ene djin ki bodje toltins, ki s’ måvele åjheymint. F. "hypernerveux". >> i n' såreut esse crås, c' est tos niers di s' coir: c’ est on maigue. >> viker so ses niers: bouter toltins, sins rasta. >> gros nier: sitocaedje d’ ene djonteure. F. "foulure, entorse". >> on nier alongui ; u >> on nier foirci: on tindon di stindou. F. "élongation". >> nier di boû ; u : >> nier di torea: usteye des policîs, po bouxhî so les cis ki fwaiynut do disdut. F. "matraque". >> biftek å ptit nier: biftek prins so li spale (tchivå u grosse biesse). F. "filet d’épaule ". >> djus d' nier: dijhêye po asmetante vatche ki va bénrade veler : les tindons inte l' cawî et les [[Motî:clons|clons]] sont [[Motî:distinkyî|distinkyîs]]. I m' shonnéve k' elle esteut dedja djus d' nier et k' ele tripléve ir al nute ([[J. Lahaye]]). On dit eto : [[Motî:cassêye|cassêye]]. '''3.''' musse tinkyî. Cwand i fwarcit, on lyi voet potchî ses niers Av' veyou l' torea ? Ké nier, hê, Piere ! F. "muscle". >> aveur dobe nier: esse plin d’ musses. '''4.''' (imådjreçmint) coraedje, alant. Il a bråmint do nier. | nierea [o.n.] '''1.''' pitit nier. F. "filet nerveux". '''2.''' (mot d’ houyeu) pitit banc d’ rotche å mitan del voenne di tcherbon. F. "filet rocheux". | nieron [o.n.] (mot d’ bwejhleu) [[Motî:fyi|fyi]] dins l’ bwès å mitan d’ èn åbe u eviè ene [[Motî:toitche|toitche]], pus [[Motî:coriant|coriant]] et sovint pus noer di coleur. Pu il a dné on ptit côp d’ abatrece å mitan, la k’ gn a l’ nieron d’ l’ åbe ([[L. Mahin]]). | niereus, niereuse [addj., purade padvant] plin d' toitches (nuks), tot djåzant d' on bwès. F. "noueux". == Parintêye == * vîs mots sol bodje nierv- ** [[Motî:nierveure|nierveure]] ** [[Motî:renierver|renierver]] * noûmot basti sol bodje walon ** [[Motî:disnierer|disnierer]] * mots calkés do francès, pu rwalonijhîs) ** [[Motî:nierveus|nierveus]] ** [[Motî:enierver|enierver]], [[Motî:eniervumint|eniervumint]] * Mots sincieus ** [[Motî:neurastenike|neurastenike]] ** [[Motî:neurolodjeye|neurolodjeye]], [[Motî:neurolodjisse|neurolodjisse]], [[Motî:neurolodjike|neurolodjike]] == Sicrijhas ezès motîs == ;nier : niêr [R2, O2, C1, C13, E34, S109, S117], niêr' [O0], gnér [E1], nêr' [O4], nèrf' [O3] ;nierea : gnèrê [E1], niêria [R2] ;nieron : niêron [S17, S109] ;niereus : niêreû [S17, S109] Loukîz al [[djivêye des motîs]]. == Vîs scrijhas == ;nierz : nierz (1210). == Sourdants et pî-notes ==