nonne 1 [f.n.] 1. tins k' il est doze eures del djournêye. >> a nonne: a midi. A nonne, on magne tertos voltî (M. Pire). Dj' end irè disk' a vosse måjhone a nonne. rl a: [[Motî:après-nonne|après-nonne]], [[Motî:divant-nonne|divant-nonne]]. >> djoûs et nonnes: pår. F. complètement. >> souner nonne: souner l' andjlusse, a midi. Dispoy co pus d' ene eure, l' eglijhe a souné nonne. 2. dinner, amagnî d' doze eures. Il ont magnî l' nonne tertos eshonne. rl a: nonner. 3. prandjire (tins d' midi, di 12 a 14 eures). C' est a nonne ki dj' fwai m' niket. 4. Nonne: pont cardinå wice ki l' solea est å mitan do djoû, metou å dzo so ene mape (on dit eto [[Motî:Midi|Midi]]), et pa stindaedje, les pôves payis, bråmint metous sol meye-bole nonnrece (on dit eto: [[Motî:Sud|Sud]]). Riloukîz ene miete les chifes des budjets d' mediaedjes di sida al Bijhe ey a Nonne: ût sidateus so dijh sont dins les pôves payis, po fok 10 åcint des dispinsaedjes (L. Mahin). 5. nonne u les nonnes: (rilidjon crustinne) priyire k' on dit après aveur magnî a nonne, et e Cwareme divant d' aveur magnî. C' est l' setinme et dierinne priyire del djournêye. Après vepes, on tchantrè nonnes. Disfondowes: non.ne, nône, none, noûne, nwène, niëne. Pc. nin.ne. | nonner [v.s.c.] [[Motî:dinner|dinner]] (magnî a nonne). Vinoz nonner ! Vos metroz l' boune vôte å lård e m' bezaece por mi nonner (M. Pire). rl a: [[Motî:mareder|mareder]]. Disfondowes: non.ner, noûner, nôner, non.nî. Coinrece Hôte-Årdene. | nonnêye [f.n.] 1. dinner. 2. tins d' nonne. F. temps de midi. 3. [[Motî:prandjire|prandjire]]. >> fé s' nonnêye: fé s' prandjire. Cwand dj' a dinné, i m' fåt fé m' nonnêye. rl a: [[Motî:niket|niket]], [[Motî:croket|croket]], [[Motî:cwårt|cwårt]]. F. sieste, repos de midi. Disfondowes: non.nêye, niënêye, nwènéye, noûnée, non.née. Coinrece Hôte-Årdene et payis di Scåssene. | nonnrece [addj.] metou a Nonne. Dj' a skepyî e l' Ourougway, e l' Amerike nonnrece (P. Sarachaga). F. méridional. >> Årdene nonnrece: (mot d' diyalectolodjisse walon) coine di l' Årdene metowe so l' aiwe di [[Smwès]], ene miete a pårt åd fwaite do walon. rl a: [[Payis d' ersè]]. F. Ardenne méridionale. Disfondowes: non.n'rèce. Etimolodjeye: bodje Nonne, cawete -rece, 1995. ---- * [[Nonne|Dipus d' racsegnes so li nonne]] * [[priyires del djournêye|Dipus d' racsegnes so les priyires del djournêye]]