nou 1 (omrin dvant ene cossoune) / nol (omrin dvant ene voyale), nole 1 (femrin) [prezintoe]

pont di, nén on (ene). On n' oyeut nou brut. N' aveut nol ovrî el fabrike. Dji n' aveu nou mestî. Nole colere, nole ervindje fok k' el silince des meurs displayîs del barake dismanvêye d' on coron rovyî (J. Boitte). L' acapareu ni prindeut nou risse tot dmorant tofer cou so xhame. Mi façon di shure les troes regues ni m' a dné nou må d' tiesse (E. Sullon). Måy nole fåbite n' a fwait oyî come leye Des tchants si doûs. (N. Defrecheux). Li Noyé por zels, ci n' est nole fiesse: Nou sapén, nole loumire, nou cado, nole bouboune. (P.H. Thomsin). rl a: nouk, rl a: pont di. F. aucun(e). >> rivni a nole eure å matén: rivni foirt tård, rl a: meyzeure. Franwal: ahåyant po: "rentrer au petit matin". >> Gn a nole si ki... : emantchaedje di mwints spots e walon: Gn a nole si claire aiwe ki n' si brouye.

Disfondowes: nou, noû, nu; nole, nule, nële, noune, nène.

Omonimeye:

• nole (prono; femrin di "nouk")