Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:ovrer
Date : 2008-09-20T15:08:37Z
Uzeu : Lucyin
Messaedje :
URL : https://wa.wikipedia.org/w/index.php?oldid=144991
ovrer (codjowaedje) [v.s.c.] fé ene sacwè, sovint po-z esse payî. On dit eto : bouter, travayî. F. travailler.
| ovraedje [o.n.] u [f.n.] [1] no d' fijhaedje et no di çou k' est fwait (accion eyet si adierça) pol viebe "ovrer". C' est do bea ovraedje. Pocwè fwaiss todi del niche ovraedje ? F. "travail, ouvrage".
| ovreu, ovreuse [o.f.n.] li ci (cene) k' overe. F. "travailleur".
| ovrî, ovrire u overresse [o.f.n.] li ci (cene) k' overe po on patron, eyet rçure ene cwénzinne. F. "ouvrier".
| ovråve [addj.] k' on-z î overe, tot cåzant d' on djoû. Djustin n' a måy rovyî les bassès messes des ovråvès djoûs (M. Georges). Loukîz a : fiesse-djoû. F. "ouvrable".
| ovroe [o.n.]
1. plaece k' èn ome di mestî overe. Cwand l' cinsî a criyî "åwe" a ses tchvås, l' ome di mestî esteut dedja so l' ouxh di si ovroe (L. Gengoux). F. atelier.
2. (pa stindaedje) oujhene. Mes sondjes dansèt come les foumires des tchminêyes des ovroes (E. Wiket). F. usine, manufacture.
3. (mot d' éndjolisse) purnea k' on-z overe dissu, sol waitroûle del copiutrece. F. application ouverte.
| ovrûle [addj., purade padvant] k' overe voltî et bén po ene machine, on programe. Li cawete -rece est metowe, å pus sovint po des ptitès ovrûlès usteyes. Loukîz a : djinti, ahessåve. F. pratique, efficace.
| ovrant, ovrante [addj., purade padvant] k' overe a on metou moumint. F. actif, ive. >> ovrante gayole: (mot d' éndjolisse): dins on tåvleu, li gayole k' on boute dissu a on metou moumint. F. cellule active. >> ovrante kinoxhance °.