pårotche [f.n.] 1. sitindowe ki les djins vont a messe el minme eglijhe, et la k' gn a k' on curé. Li curé est mwaisse dins s' pårotche ([[J. Coppens]]). Dins ene grande pårotche, gn aveut sacwants vicaires, on curé et on mårlî.. N a di-set pårotches a Lidje ([[Motî da Forir|H. Forir]]). Gn a ddja waire di pårotches k' ont come patron li prumî ome k' a dmoré e viyaedje ([[Joseph Houziaux]]). F. paroisse. >>  fiesse del pårotche: [[Motî:dicåce|dicåce]]. F. kermesse, fête paroissiale. >>  On pretche todi po s' pårotche: On saye todi di disfinde ses idêyes, di cåzer po wangnî des cwårs. On dit eto: po s' tchapele. >>  I fåt mete li clotchî å mitan del pårotche: wårer les alaedjes et l' otorité. On dit eto: li [[Motî:moustî|moustî]]. F. garder de l'ordre. >>  laide pårotche, sitårêye pårotche: pårotche avou tos des ptits hamteas metou lon erî. I gn aveut lon d' on viyaedje a l' ôte, c' est l' vraiy; e s' sitårêye porotche ([[A. Lalou]]). F. paroisse dispersée. >>  El laide pårotche: [[Motî:Tnîveye|Tnîveye]]. 2. grande eglijhe (eneviè les tchapeles). Dj' a stî a messe al pårotche. Dispaitche tu ! Dj' etin les clotches ki sounèt å clotchî del pårotche ! F. église paroissiale. 3. tos les pårotchîs. Tote li pårotche esteut a l'etermint. 4. (imådjreçmint) sôre, [[Motî:cogne|cogne]] di des djins u des martchandijhes. >>  esse del minme pårotche: di minme livea sociål. F. de même condition. >>  di totès sôres di pårotches, di totes les pårotches: di totes les cognes, di totes les grandeurs, di totes les cwalités, tot djåzant d' martchandijhes. Disfondowes: paurotche, porotche, paroche, parotche, parwèsse, pârwèsse, parwasse | pårotchin u pårotchî, pårotchinne u pårotchresse [o.f.n.] li ci (cene) k' est d' ene metowe pårotche. Nos rvoeyans pa leus mwins Li pus bele des eglijhes; Ossu l' bon pårotchin doet dire li verité ([[P. Lagrange]]). >>  on drole di pårotchin: on drole d' ome. on dit eto: d' [[Motî:apôsse|apôsse]]. F. drôle d'apôtre, d'individu; vilain bougre, vilain coco. Disfondowes: paurotchin, paurotchî; paurotchin.ne, paurotchresse, parotchin, parwèssyin, parwèssyin, -in.ne, parochyin, parochiène, parwèsyin, parwèssiène, parwasyin, -iène, parotchî, parotch'resse. Etimolodjeye : latén des djins "parochia" (minme sinse), calké do grek "parokia" (coulot d' måjhones).