påsse [f.n.] 1. maxhaedje di farene, d' aiwe et d' [[Motî:leyes|leyes]], po fé do pwin, des påstedjreyes et des sfwaits amagnîs. Li grijhe påsse gonfele po s' plaijhi disso l' apas do for ki ronfele ([[D. Trempont]]). F. pâte. >> prusti l' påsse: pougnî dvins a grands côps, divant del cure. >> li påsse est levêye, on pout aloumer l' for: dijhêye a onk (ene) ki s' leve (djeu d' mot). 2. påsses [f.n.t.pl.] amagnî fwait avou del semoule di frumint, prusti et metous e cognes ralongueyes, ou a bokets pus ptits, et cûts tot les fjhant boure dins l' aiwe. F. pâtes. >> sôres di påsses: sipaguetis, macaronis,... 3. tote sôre di mols prodûts ene miete placants, dj' ô bén del minme consistance kel påsse. >> påsse a dints: prodût, sovint blanc, k' on mete sol brouxhe a dints po s' netyî les dints. F. dentifrice. >> påsse a papî: prodût fwait a pårti d' celuloze ki, on côp stindou et setchî, va fé l' papî. Etimolodjeye: latén pasta (minme sinse). | påstea [o.n.] 1. (vî mot d' cinsî) sipès [[Motî:passe|passe]] po les biesses. 2. broûs avou des mannestés dvins. F. margouillis. 3. påstea d' måjhones coulot avou les måjhones ki tnèt eshonne. F. pâté de maisons. | påsté [o.n.] 1. amagnî fwait di molowe tchå et di spices. Do påsté d' vea, do påsté d' foete. F. pâté.. 2. (vî mot) [[Motî:sitramé|sitramé]]. On meur di påsté. On dit eto: [[Motî:payrou|payrou]]. F. torchis. | påstî, påstire u påstresse [o.f.n.] li ci (cene) ki fwait l' påsse. Li påstire d' ocåzion rôle el påsse come on marmot dins ses faxhåds ([[H. Van Cutsem]]). rl a: [[Motî:påstedjî|påstedjî]]. | påsteus, påsteuse [addj., purade padvant] come del påsse. On ratind kel grin d' mayisse soeye påsteus po-z essiler. F. pâteux. [[Pwaire minimom]]: * [[Motî:pôce|pôce]]. Parintêye: * [[Motî:påstedjreye|påstedjreye, påstedjî]]. * [[Motî:epåster|epåster]]