{{Wiccionaire-motî|påwion}}
<FONT COLOR="#ff0000"><B>påwion</B></FONT> [o.n.] sôre d' inseke avou des grandès aiyes, sovint avou des belès coleur, ki provént d' ene halene. On dit eto: [[Motî:palvole|palvole]], [[Motî:ploumion|ploumion]]. <span lang=fr>F. papillon.</span> 
<I>Cwand les beas påwions d' ôr, cafloris rôbaleus Raclapnut po todi leus aiyes di vroûle et d' soye, Eyou s' vont i catchî po k' nolu n' elzès voeye? Eyou vont i mori, tot seus, les beas påwions?</I> ([[C. Delvigne]]).
<I>Vos coirbås, Camaerådes des nouwêyes, vijhéns di leu mouwance, Berlokîs pa les vints, pareys ki des påwions</I> ([[L. Declercq]]).
<I>Les aiyes då påwion erlujhèt di totes sôres di coleurs ki lyi fjhèt on foirt bea ekipaedje</I> ([[B. Hosslet]]).
<I>Les påwions, al dilongue des håyes Dijhèt-st ås fleurs, l' air eminné Edon k' ci n' est k' a vos k' dj' ahåye?</I> (H. Hurard). 
<I>Come les blancs påwions ki voltêynut dins l' arêye, li nive toume, pus spesse et pus blanke, dins li noereu ki cmince a vni</I> ([[P. Moureau]]).


Minme sitok etimolodjike:
* [[Motî:påwionacêye|påwionacêye]] 


----
* [[påwion|Dipus d' racsegnes so les påwions]]