plome [f.n.]

1. sacwè ki crexhe sol pea des oujheas, et ki les rafûle, et les fé voler. Ene plome di poye, di faizan. Loukîz a: pene. F. plume. >> C' est l' bele plome ki fwait l' bea oujhea: dijheye a onk (ene) ki n' si vout nén bén moussî. Franwal: ahåyant po: "l'habit qui fait le moine". >> il a metou ene plome a s' tchapea; u: >> c' est ene bele plome a s' tchapea: a) il a bén adiercî s' côp. F. action d'éclat, marquer des points. b) (tot cåzant årvier) ci n' est nén foirt rilujhant, çou k' i (elle) a fwait. F. pitoyable, pas brillant. >> ledjir come ene plome; u: >> ossu ledjir k' ene plome: foirt ledjir. >> on n' sait si ça serè des plomes u des pwels: dijheye po balter on djonnea ki cmince a aveur del båbe. >> po-z aveur ses plomes, i fåt del tchôde aiwe; u: >> On n' lyi såreut aveur ene plome foû do cou sins tchôde aiwe: a) c' est on pice-crosse, on rapia. F. avare. b) po-z aveur çou k' on vout d' lu, i lyi fåt ecråxhî l' pate. F. vénal. c) i n' est nén foirt sûti. F. lent à la détente. >> î leyî des plomes; u: >> piede ses plomes: piede des cwårs. F. déboires, déchéance. >> n' aveur pus k' ses plomes po voler: aveur cåzu tot pierdou, esse foirt pôve. F. que le strict nécessaire. >> i lyi fåt bén totes ses plomes po voler; u: >> il a dandjî d' totes ses plomes po voler: i lyi fåt bén tot po viker. F. dur à s'en sortir. >> aveur totes ses plomes: aveur des çanses assez (po payî ene desse). >> il est tcherdjî d' årdjint come on crapåd d' plomes: il est pôve. >> les plomes: li ploumaedje.

2. pene (po scrire), calcaedje do francès "plume".

3. manire di scrire. Il a ene metchante plome (ramexhné pa M. Francard).

Disfondowes: plome , ploume, plume, plëme.

Mot d' aplacaedje :

• poite-plome.

Parintêye :

• ploumaedje, plouma,….
• ploumer.
• disploumer.