plouve [f.n.] [[Motî:aiwe|aiwe]] ki toume djus des [[Motî:nûlêye|nûlêyes]], gote a gote. Les nûlêyes candjèt a plouve. I fåreut del plouve, i fwait trop setch. Cwand les plouves vinèt a muzeure, ele fijhèt l' rôtijhon bele (ramexhné pa [[J.J. Gaziaux]]). Co todi l' plouve ki tchait, ki tchait a rlaye di bok ([[E. Dumont]]). Gn a ene pitite fene plouve ki disgolene djus des nouwêyes ([[L. Mahin]]). C' est ene boune tere, ki l' plouve mouye sins aduri ([[P.J. Dosimont]]). Fr. pluie. >> vint d' plouve: vint k' amoenne del plouve (el Walonreye : vint do [[Motî:Coûtchant|Coûtchant]]). Loukîz a: [[Motî:schoice-vint|schoice-vint]]. >> fé (ene sacwè) al plouve: î aler tins k' i ploût. T' irès fener al plouve, twè ! >> esse ribatou del plouve: esse metou la k' i ploût foirt. Fr. exposé à la pluie. == Ôtès ratourneures == === po-z anoncer l' tins, u ndè djåzer === >> Plouve di dvant l' Sint-Djan est boune; après l' Sint-Djan, elle est mwaijhe: li [[Motî:Sint-Djan|Sint-Djan]], c' est li cminçmint d' l' esté: i fåt do solea et nén del plouve. === sol tinme del ratindance del plouve === >> Ene boune tchôde plouve våt d' l' ôr; u: Li plouve, c' est do tins do Bon Diu: dijhêye cwand k' ploût après k' il åye yeu fwait setch. >> Ene tchôde plouve est todi boune pol waezon: dijhêye po rire a ene sakî ki n' a pont d' tchapea et k' i ploût (e l' esté). === sol tinme d' on tins avou bråmint del plouve === >> Dj' estans bon po del plouve: il est dandjreus po ploure. >> I ploût et i plourè, dit-st i l' bierdjî a s' tchén: dijhêye cwand on voet k' i n' vout nén djoker d' ploure. >> des grossès plouves: des foitès plouves. Loukîz a: [[Motî:drache|drache]], [[Motî:lavasse|lavasse]], [[Motî:walêye|walêye]]. === ratourneures imådjreces === >> fé ene figueure come cwate samwinnes di plouve: fé ene laide tiesse, esse [[Motî:mwais|mwais]] (mwaijhe). F. "tirer une sale tête". >> Ene pitite plouve fwait toumer on grand vint; u: Ene pitite plouve abat on grand vint: ''a)''cwand i fwait bråmint d' l' air, et k' i gn è vént del plouve après, li vint tume ''b)'' ene pitite [[Motî:algaråde|algaråde]] [[Motî:solåcyî|solåceye]] deus djins k' estént so leu niers. >> I fwait la plouve et l' bea tins: i cmande tertos, a l' asulon d' ses zines. >> Après l' plouve, li bon tins: après k' on-z a stî måvlé, on resse al boune. >> On sint todi do costé k' el plouve vént: on ricnoxhe todi bén les cis ki vos vlèt fé do toirt. >> I (ele) n' est nén tcheyou (-owe) del dierinne plouve: c' est on [[Motî:sûti|sûti]], ene sûteye. == Parintêye == * [[Motî:ploure|ploure]] * [[Motî:riploure|riploure]] * [[Motî:plovaedje|plovaedje]] * [[Motî:ploviner|ploviner]], [[Motî:plovinete|plovinete]] * [[Motî:plovter|plovter]] * [[Motî:eploviner|eploviner]] == Disfondowes == plouve : ploûve, >, plûve, plouve, plève, piëve, plêve, plëve, pleuve, pieuve, plwève, pwève, plwêve, plâve, plave, pwave, plove, plëwe, pleuwe, plèwe, plêwe, ploû, plûye ; miersipepieuzmint el mape [[A.L.W.]] 3. 14 ey el notûle [[A.L.W.]] 3. 54. == Sicrijhas ezès motîs == ;plouve : plêve [G203], plëve, pleuve 1 [O2, G203], plouve [G203], ploûve [G203], plûve [S117], pleûve [G203], pieûve [G203], plève [G203], plwève [G203], pwève [G203], plêve [G203], plwêve [G203], plâve [S117, G203], plave [S2, S117, G203], pwave [S0, G203], plove [G203], pleuwe, pleûwe, plèwe, plêwe, ploû, plûye [G203]. Loukîz al [[Djivêye des motîs]]. == Hårdêye divintrinne == * [[plouve|Dipus d' racsegnes sol plouve]] == Sourdants == [[Categoreye:Motî]]