rifondaedje

"poirtrait" c' est nén l' minme ki "poitrê"; minme si on les scrît del minme manire, i gn a deus "r" bén diferins, onk k' est ene likide, ene dimey-voyale dabôrd, ey èn ôte k' est ene cossoune.

"poirtrait" a les deus: pwèRtrê (avou "R" li cossoune eyet "r" li dmey-voyale); li discôpaedje e sillabes c' est "pwèR-trê", come dins toirtiaedje ("twèR-tyètch").

dismetant ki "poitrê" c' est "pwèt-Rê".

Li "r" dimey-voyale do "trait" di "poirtrait" c' est parey kel "y" di "Diè" ou co li "w" di "cwè" ou co li "l" di "blanc".

ça fwait ki ça dvreut esse rifondou "poirtrait", i gn a nole råjhon di rmagnî li "R" la ki ça n' va nén conte li rîle des troes cossounes, i n' a ki deus cossounes eshonne (R-T) li deujhinme "r" estant ene likide.

Vey eto "poite-trait" (pwèt-trê); "poirteu" (pwèR-teû) et "poitresse" (pwèt-Rèss)

Ene sillabe et walon ça pout esse: (V=voyale, C=cossoune, D=dimey-voyale, L=likide)

• V (eg: a, å, i,...)
• V-C (eg: al, el, åk)
• V-D (eg: aiwe [êw], ey)
• C-V (eg: ca, li, mi)
• C-D-V (eg: diu, lyi, cwand [kwã])
• C-L-V (eg: très [trè], blanc [błã])
• C-D-V-D (dji n' trove nén d' egzimpes, såf dins Paragway, mins c' est nén vormint on mot walon; motoit ki cisse troke la n' egzistêye nén e walon)
• C-L-V-D (eg: trawe [traw], blawe [błâw])
• C-V-C (eg: minme [mĩm], totes [tot]
• C-D-V-D (eg: cwantes [kwãt], cwite [kwit])
• C-L-V-D (eg: troke [trok], blague [błâk])
• D-V (eg: want [wã], yô)
• D-V-C (eg: yebe [yèp], wache [waʃ])
• D-V-D (eg: veyowe [vè-yow])

li diferince inte les dmey-voyales (w, y) eyet les likides (r, l) c' est ki les dmey-voyales si polèt trover å cmince ou al fén d' ene sillabe, ou inte ene cossoune et ene voyale; mins les likides ni s' polèt trover k' inte ene cossoune ey ene voyale seulmint.

Pablo 23 d' nôvimbe 2006 a 12:15 (UTC)