pot [o.n.] 1. rond [[Motî:toupin|toupin]] k' on pout mete on likide u ôte tchoi dvins. F. pot, récipient. >> pot d' tchambe: pot al [[Motî:xhlé|xhlé]]. 3. cwårs ki sont rashonnés pås djouweus d' on djeu, et k' c' est l' ci ki wangne k' apice. F. mise. | pote [f.n.] 1. pitit trô e tere, la ki les aiwes si rashonnèt. On dit eto: [[Motî:fosse|fosse]]. F. fossette., Ny. putte. >> El pote: no d' ene plaece di [[Motî:Mårcin|Mårcin]]. >> Cinse del Pote: no d' ene plaece di [[Motî:Trazniye|Trazniye]]. 2. plaece k' on s' a coûtchî dins les yebes Ti, l' rôbaleu, ni rgrete nén les potes ki t' leyes divins les hôtès yebes ([[L. Warnant]]). F. couche. 3. (pus stroetmint) coûtche d' on [[Motî:live 1|live]]. Ruzêyes, les håzes dimorént retroclêyes e leu pote disk' a tant k' les omes åyexhe passé houte ([[J.P. Dumont]]). F. couche, gîte. 4. cåvlé costé del djonteure del sipale, del hantche, la kel makete des oxheas del coxhe et do bresse si vnèt adjonturer. Loukîz a: [[Motî:dispotlé|dispotlé]]. F. cavité articulaire. 5. [[Motî:prijhon|prijhon]]. Trafik di clandestins; ça doet coster tchir, la, ça; dji n' a nén håsse di m' ritrover el pote e l' Espagne ([[L. Mahin]]). On dit eto: [[Motî:gayole|gayole]], [[Motî:cadje|cadje]], [[Motî:amigo|amigo]], [[Motî:violon|violon]], [[Motî:piole|piole]]. 6. [[Motî:mene 2|seure mene]]. F. mimique. >> fé ene pote: fé s' [[Motî:mawe|mawe]]. On dit eto: [[Motî:brognî|brognî]] F. bouder. | potiket [o.n.] pitit pot. Penêye a rivnou a lu al clinike, avou des touyeas et des potikets åtoû di s' lét ([[J. Lahaye]]). Sol djivå, inte on potiket å toubak et on tchandlé d' keuve, on bondiu d' bwès sitind ses bresses ([[A. Marchal]]). F. petit pot. Etimolodjeye: [[cawete -iket]]. | potea [f.n.] pitite pote avou di l' aiwe di plouve. I dveut aveur ene sintêye di fier a mete ses pîs dins tote les aiwes et a tchipoter dins tos les poteas d' bôjhe (ramexhné pa [[A. Atten]]) Li potea esteut plin d' rognes et d' maketes ([[G. Lucy]]). Li veye est ene curêye ! dit-st i al moxhe ki coreut åtoû d' on ptit potea d' bire sol candlete ([[J.M. Masset]]). F. flaque. Etimolodjeye: [[cawete -ea]]. Parintêye : * [[Motî:poter|poter]] * [[Motî:posson|posson]] * [[Motî:dispoter|si dispoter]], [[Motî:dispotler|si dispotler]] * [[Motî:potreye|potreye, potriyeu]] * [[Motî:potale|potale]] Mot pa côps si prononçant l' minme: * [[Motî:postea|postea]] (cåze d' on rwalonijhaedje fwait ''potia'' fwait sol francès ''poteau'') ---- * [[fond (toponimeye)|Dipus d' racsegnes sol mot "pote" dins les nos d' plaeces del Walonreye]] * [[hantche|Dipus d' racsegnes sol pote del djonteure del hantche]] * [[sipale (djonteure)|Dipus d' racsegnes sol pote del djonteure del sipale]]