poure [f.n.] 1. Çou k' gn a dins les cartoxhes, les menes, les bombes et ki les fwait peter. Dins s' sacotche gn a s' motchoe d' potche, ses bastons d' coleurs, si muroe et s' boesse a poure (H. Petrez). F. poudre explosive. 2. produt come del poûssire. rl a: poude. Al tévé, on fwait l' bouwêye avou des poures k' on dit meyeuses ki ene et l' ôte, etot vudant del minne fabrike (R. Painblanc). F. poudre. Disfondowes: poûre. | pourreye [f.n.] plaece wice k' on mete les esplôzifs dins ene carire, les amunicions dins on cazer, evnd. F. poudrerie. Disfondowes: poûr'rèye, poûr'rîye