prandjire [f.n.] 1. [[Motî:doirmaedje|doirmaedje]] après aveur [[Motî:nonner|nonné]], tot djåzant des djins. rl a: [[Motî:croket|croket]], [[Motî:niket|niket]], [[Motî:cwårt|cwårt]] d' eure, [[Motî:midi|midi]], [[Motî:nonnêye|nonnêye]]. >> fé prandjire; u: fé s' prandjire: doirmi après l' dinner. Èm nene fwait s' prandjire après l' dinner (F. Deprêtre et N. Nopère). Proficiate, saiss, fré, pol gros lot ! Fwaiss prandjire ? (E. Remouchamps). Cite après-nonne la, i lujheut les cwate soleas et l' påjhire Noersipene fijheut prandjire, sitindou dso l' yebe dilé çou k' aléve divni Mouze (J. Schoovaerts). rl a: [[Motî:prandjler|prandjler]]. F. sieste, méridienne. 2. (v.m. d' cinsî) ripoizaedje des biesses, a nonne, dizo ene plaece avou d' l' ombrire, et co motoit d' l' aiwe. Les ciwagnes cotinouwént leu prandjire e nos waitant d' on rwåd si doûs k' on åreut dit k' il esteut cåzu soriant (L. Baijot). F. repos. 3. plaece ki l' bisteu fwait prandjire. rl a: [[Motî:prandjloe|prandjloe]]. >> Al Prandjire: (Disfondowe: Al Plandjêre) no d' ene plaece di Cerfontinne. 4. tins d' [[Motî:nonne|nonne]]. Li londmwin a prandjire, Ene oto do choter, Tijhneye on tchåraban (H. Petrez). I n' li fåt jamwais aler trover tins d' prandjire, målureus, vozôtes ! rl a: [[Motî:aprandjire|aprandjire]], [[Motî:divant-prandjire|divant-prandjire]], [[Motî:après-prandjire|après-prandjire]]. F. temps de midi. >> a prandjire; u: el prandjire; u: del prandjire: tins d' prandjire. Vinoz el prandjire (A. Balle). Il a vnou del prandjire (L. Remacle). rl a: [[Motî:aprandjire|aprandjire]]. >> rivni e prandjire: [[Motî:raboirder|raboirder]] (rintrer el måjhone) tins del prandjire, u a on moumint k' on n' s' î atind nén. F. rentrer à l'improviste. 5. (mot d' sincieus) termene ki shût ene boune eurêye. C' est normå ki l' coir soeye tot pzant tins del prandjire. rl a: [[Motî:prandjrece|prandjrece]]. F. période post-prandiale. Disfondowes: prandjîre, plandjîre, prandj'lîre, prondjîre, prandjî, prondjî, prandjêre, plandjêre, plandiére, prandiére, plondjîre, plondjêre, prandjère, plandjère, prandjinre, prandjëre, prondjîye, plondjîye, prandjeure, plandjeure, plondjeure. Etimolodjeye: latén prandiaria (hora) (eure do dinner). | prandjirêye [f.n.] tins d' prandjire. rl a: [[Motî:aprandjire|aprandjire]]. Disfondowes: prandjèréye, prandjirêye. Coinrece Roman Payis. | prandjiron [o.n.] boket del marinde epoirtêye po magnî a prandjire (sovint eployî å plurial). Dj' alans magnî nos prandjirons. rl a: [[Motî:marinde|marinde]]. Franwal: ahåyant po: "pique-nique". Disfondowes: prandjiron. Coinrece Hôte-Årdene. | prandjrece [addj.] (mot d' sincieus) a vey avou l' prandjire. >> assoctance prandjrece: sinsåcion d' edoirmaedje k' on-z a après ene boune eurêye. I nos fåt comprinde çou k' c' est, fiziolodjicmint, l' assoctance prandjrece. F. somnolence postprandiale. Etimolodjeye: forveyou bodje "prandje" (eurêye), cawete -rece, 1996.