pupe [f.n.] 1. usteye pol plaijhi d' foumer avou, fwait d' ene buzete k' on stitche e s' boke, et d' on ptit potiket po mete li toubak. On fjheut des pupes avou des raecenes di brouhire. I tetéve si pupe si bén foirt ki ses mashales rintrént ådvins ([[J. Selvais]]). I fåt k' el prumire pupe k' i foume El rinde malåde, el bouxhe tot djus po k' i s' deye dj' a volou fé l' ome Mins bintch dji nel frè djamåy pus ([[L. Lagauche]]). F. pipe. >> scheure si pupe: li tchoker, a l' evier, po vuder les cindes. F. vider. >> casser s' pupe: [[Motî:mori|mori]]. >> i merite ene fameuse pupe: dijhêye po clatchî dins ses mwins po ene sakî k' a fwait åk å pair des pôces. >> li djoû k' i plourè des pupes di tere: li djoû ki n' vénrè måy. >> c' est l' leu ki foume si pupe; u: c' est les [[Motî:rinåd 1|rnåds]] ki foumèt leu pupe. 2. (imådjreçmint) long [[Motî:moumint|moumint]] (ossu long kel ci po foumer londjinnmint ene pupe). >> la ddja ene pupe: la ddja lontins. rl a: [[Motî:hapêye|hapêye]]. 3. (mot d' efant) [[Motî:cabounete|cabounete]] å dbout del cawe do gland, ki rascove li frut. F. cupule. Disfondowes: pupe, pipe, pëpe, pîpe. Parintêye : * [[Motî:puper|puper, pupa, pupaedje]] * [[Motî:pupter|pupter, pupteu]] Mot d' aplacaedje : * [[Motî:pupe di keuve|pupe di keuve]]. * [[Motî:grawe-pupe|grawe-pupe]]. * [[Motî:tir ås pupes|tir ås pupes, tire-pupes]]. * [[Motî:pupsak|pupsak]] ---- * [[pupe|Pondants et djondants so les pupes]] * [[Li djoû k' i plourè des pupes di tere|"Li djoû k' i plourè des pupes du tere" (live da J.L. Fauconnier)]].