{{Wiccionaire-motî|rén}}
rén [nén definixhant prono]
1. nole sacwè. Contråve: [[Motî:åk|åk]], ene [[Motî:sacwè|sacwè]]. F. rien.
>> I n' fåt rén: dijhêye a on boledjî, bresseu, martchand d' pexhons ki vént e tournêye, s' i on n' a nén dandjî di s' martchandeye.
>> ci n' est rén: dijhêye po rapåjhî ene sakî k' a del poenne.
>> c' end est rén: c' est on [[Motî:rénnvåt|rénnvåt]], on canvolant.
>> c' est nén rén: c' est foirt malåjhey. Fr. c' est un problème, c' est pas évident.
>> il a fwait ça come rén: åjheymint.
>> dimorer a rén: dimorer sins rén fé. C' est nén rén, saiss, di dveur dimorer a rén. F. rester inactif, oisif.
>> i n' a rén:
a) il est [[Motî:mierpôve|mierpôve]]. Dinltins, les cis ki n' avént pont d' vatche on djheut: i n' ont rén !. F. dans une pauvreté absolue.
b) i n' est nén [[Motî:coixhî|coixhî]] (après èn accidint).
>> i n' est nén sins rén: il est ritche. Li prôze nén racontrece, c' est ene essegne ki l' lingaedje va bén, ey e walon, on n' est nén sins rén ([[L. Hendschel]]). F. non sans ressources.
Li ci ki n' sait nén comint k' les djins vicnut avårla, c' est rén d' lu: i n' sårè tirer s' plan. Franwal : ahåyant po F. ne pas savoir s'adapter.
>> on ptit boket d' rén do tot: on foirt pitit boket.
>> ni rén: metou al fén d' ene djivêye di mots. On n' î pôrè côper ni stiernixheures, ni bwès, ni håye, ni tote sôre avou ni få, ni hawe, ni seye, ni rén ([[vîs papîs]], 1634). rl a: [[Motî:nerén|nerén]]. F. ni quoi que ce soit.
>> I n' est pus gåre: i n' a pus ni fizik ni rén: nén ddja on fizik. F. même pas, non plus.
>> çoula n' a ni cogne ni rén: ça n' rishonne a rén, c' est må fwait. F. aucune allure.
>> I gn aveut ni bire ni peket ni diåle di rén: gn aveut vormint rén.
>> rén d' ôte: rén a pårt çou k' on vént d' dire. Ingl. nothing else.
>> so rén do monde di tins: foirt raddimint. F. en moins de temps qu'il ne faut pour le dire.
>> come si rén n' è fouxhe; u tot fjhant [[Motî:shonnance|shonnance°]] di rén: F. comme si de rien n'était.
>> rén do tot: vormint rén. On dit eto : [[Motî:kendal|kendal]].
>> rén do tot d' tot ça; u: ki d' rén n' è soeye!: dijheye po rfuzer tot nete, tot setchmint. F. Il n' en est pas question.
2. ene sacwè (dins ene fråze di noyaedje). I gn a nouk k' åye rén fwait.
| on rén
I. [o.n]
'''1.''' ene pitite [[Motî:miete|miete]]. I m' fåreut on rén d' boure. F. rien.
'''2.''' on rén do tot on [[Motî:nolu|nolu]]. F. nullité, nul, incapable.
>> on rén do tot avou on grand [[Motî:mantche|mantche]]°.
II. [advierbire] ene miete. Cisse plantche la est on rén trop sipesse. F. légèrement.
Mots d' aplacaedje :
* [[Motî:rénnvåt|rénnvåt]]
* [[Motî:vårén|vårén]]
* [[Motî:nerén|nerén]]
Omofones coinreces:
* avou ''rin''
** [[Motî:rin|rin]] (o.n.; boket do coir)
** [[Motî:rin 2|rin 2]] (rame di beyôle)
** [[Motî:Rin|Rin]] (aiwe).
* avou ''ré''
** [[Motî:ré|ré]] (note di muzike).
----
* [[nén definixhant prono|Dipus d' racsegnes so les nén definixhants pronos]]
[[Categoreye:Motî]]