rabiyî ([[Codjowaedje waitî|codjowaedje]]) I. [v.c.] 1. rimete les mousmints a (ene sakî). Torine s' aveut rabiyî a môde di djin, sins rovyî on boton ni leyî trinner on tchvea so ses tchifes ou so s' front ([[L. Hendschel]]). Loukîz a : ratîtoter. F. rhabiler. 2. atchter des noveas mousmints. Il ont stî rabiyî les efants po Påke. Il est rabiyî tot noû. >>  rabiyî ses råjhons: tuzer. I s’ va ashir so l' hourêye del vå, po rabiyî ses råjhons ([[C. Denis]]). F. faire le point. 3. (imådjreçmint) rabeazi. On sorire a vnou rabiyî s' vizaedje ([[L. Somme]]). Padzo tos les paxhis rsetchis, dj' a efoncî des mots, pinsant rabiyî l' yebe ki, dispu si lonmint, n' a pus d' vert dins ses iys ([[F. Duval]]). F. enjoliver, orner. II. si rabiyî [v.pr.] 1. si rmoussî. Les djouweus pousnut on « hip hip hip howé », repeté troes côps et wangnut les vestiaires pos s' discroter et s' rabiyî ([[F. Barry]]). F. se rhabiller. 2. s’ atchter des nouvès lokes. Paski les femes, zeles, ele alént a Tamene po s' rabiyî, al Tintåcion ([[J. Schoovaerts]]). 3. si moussî. On voeyeut les feyes, des djonnès femes et cobén l' fi d' on vijhén rabiyî a sôdår ([[J.L. Fauconnier]]). F. s’habiller.