rampono [o.n.] 1. [[Motî:coloe|coloe]] po passer l' cafè, fwait avou on saetch di stofe, agritchî a on ceke di blanc fier; ça pout esse djusse ene tchåssete po passer del tchôde aiwe so do cafè. Man Clémance vudeut l' ridant do molén dins l' rampono, et vierséve l' aiwe ki gotéve douçmint dins l' godome ([[M.J. Cheruy]]). Il estént racrapotés åtoû d’ on vî rampono et boere on racabolou cafè dins des schårdêyès djates (dins [[Rabulets (gazete)|Rabulets]]). Loukîz a : [[Motî:meytrô|meytrô]]. F. filtre à café en coton. >> Cåbaret Rampono: no d' plaece di Transine, ancyin rôlî d' dilidjinces, sol nouve voye Nameur Lussimbork. 2. (stindaedje) [[Motî:traitoe|traitoe]], copurade li ci k' on mete on file a cafè ddins po passer l' cafè. F. entonnoir. 3. (stindaedje) machine a fé l' cafè. F. percolateur. 4. tchapea ki rshonne al toele do rampono: a) tchapea des [[Motî:djîle|djîles]] di Bince al fén des anêyes 1800; b) ancyin bounet des carabinîs; c) kepi d' dwanî. Etimolodjeye: no d' djin (Jean Ramponeaux, 1724-1802, cåbartî a Paris, ki fjhént do mo bon cafè) [[måke di fabrike divnowe on cmon no|divnou on cmon no]], [[noûmot do walon|1830]]. | ramponêye [f.n.] çou k' gn a e ramponô. Vudoz l' ramponêye dins on saetch di plastik divant d' el hiner el banse ås mannestés. Parintêye : * [[Motî:ramponer|ramponer]]. ---- [[rampono|Dipu d' racsegnes so les ramponos]]