Cisse pådje ci, c' est ene årtchive do pordjet motî (cnoxhou dizo l' rahouca R11) k' esteut-st elodjî so Wikipedia divant di divni l' Wiccionaire.
Pådje : Motî:raploû
Date : 2016-02-02T15:50:54Z
Uzeu : R. Giskard Reventlov
Messaedje : voeyoz -> veyoz (coridjaedje do codjowaedje)
URL : https://wa.wikipedia.org/w/index.php?oldid=318278
raploû [o.n.]
1. plaece ki des djins s' rashonnèt. Gn aveut on cåbaret a Wadjneye, ki c' esteut: "Å raploû des amuzetes". Loukîz a: raclo, radjoû. F. rendez-vous, lieu de rassemblement.
2. rashonnaedje di djins. Dji sondjive k' i dveut aveur ene sôre di raploû, la-hôt, avou m' mononke et l' Ziré (J.F. Brackman). Loukîz a: rapoûlaedje, rabindlaedje, ratroplaedje, metingue. F. rassemblement, réunion, assemblée, meeting. >> souner l' raploû: coirner po rashonner les sôdårds et lzî dire di cori evoye. Pu vina l' tins des aminwers Dins l' cir on n' veyeut k' des foumires Tot ndaléve pol mî disk' å djoû K' on-z a bén dvou souner l' raploû (E. Dumont). F. sonner la retraite.
3. rashonnaedje po studyî, po dvizer di grands u di sincieus sudjets, u fé des grands decidaedjes politikes. Li raploû d' Yalta, la k' Churchill, Roosevelt et Staline si pårtixhît l' monde. F. réunion, symposium, forum, colloque, sommet.
4. les djins rashonnés. Li raploû a decidé di vôter li Tchåte do Rantoelî. On dit eto : assimblêye. F. assemblée, congrès.
| raploujhaedje [o.n.] raploû. F. rassemblement.
| raploujhisse [o.f.n.] li ci (cene) k' est la a on raploû. Les raploujhisses ont decidé ...di n' rén decider. F. congressiste.
Asteme : raploût-tot vént do viebe "raploure"