rastoker (codjowaedje) [v.c.]

1. rifé tni ene sacwè ki va toumer. Dj' a rastoké l' tas d' bwès. Cwand i tchôkive dins l' taeye d' ene houyire, i faleut rastoker. Les tåyes, nos n' les voerans pus rastoker leu coir conte li buk do djaeyî k' il î fjhént leu prandjire a houte, å rcoet del bijhe (E. Gilliard). Å paxhi, il a rcepé les åbes et rastoké les pikets (A. Henin). Loukîz a : rabuder, ristançner. F. renforcer, consolider, rappuyer, soutenir, étançonner à nouveau.

2. (imådjreçmint) rinde des cwårs. Pårin m’ a dné 5 francs, ça m' a rastoké. Loukîz a : recwårler. F. remettre d'aplomb, refinancer.

3. rinde pus stocaesse, po k' on vike co lontins. Loukîz a : ravigoter, rakinker. F. regaillardir, requinquer. >> Dji vos bistoke; Dji vos rastoke; Tinoz vos bén, Vos n' tchairoz nén: dijhêye po bistoker ene djin. Dit-st i Sint Elwè : wice sont i, les clawtîs, et les marixhås ki m' bistoként et m' rastoként el prumî d' decimbe ?

Tcherpetaedje : viebe fwait sol bodje sitok, avou l' betchete ra-.

Dipus d' racsegnes so les fiesses di bistocaedje