Reterer , raterer (F.butter), c'est rumète dul tère ås pîds des canadas ( cartouches, truks compîres), duvant k' les plantes nu cmincinjent à su rdjonde. (fé des crotches ) Lu ratèradje è pou accion du ramon.ner dul douce tère alantoû des pîds pou les tubercules polu z-î créchu coumifåt, sins s' afoncî d' trop dins tère. Is sont insi pus åjîs à råyî. Lu rateradje su pratike avu èn hawê û in cro, cand on sét co passer atère les lignes. Après, lu foyadje créche pus vlatî, et ça, jusk' al fleur. Cand la fleur est là, la créchin.ne du foyadje des canadas est fwête. Is vont don asteûre dèvloper su leus rcinéyes, ène riléye du ptits nodules ki, à créchant, vont duvnu les canadas.