rimarke u ermarke / rmarke [f.n.] 1. sacwè k' on mete a ene plaece po s' î rtrover. Èm grand-pa fjheut ene rimarke so èn åbe po vey a kéne hôteur k' i l' faleut côper, ou so ene boteye, po vey disk' a yu ç' k' on-z aveut boevou, ou djusk' a eyu k' on pleut bén boere!). Oudonbén, i djheut ki téle plaece ou téle plaece esteut ene rimarke po saveur eyu çk' i faleut tourner ([[L. Hendschel]]). Loukîz a : [[Motî:hetche|hetche]]. F. marque, trace, repère. 2. ptit cårton k' on [[Motî:stitchî|stitche]] en on live po rtrover ene pådje pus åjheymint. Ingl. bookmark. >> fé ene rimarke: ployî l' coine do live po vey la k' on-z a-st arivé d' lére. 3. rimarkes (mot d' éndjolisse) plaece so on betchteu k' on [[Motî:clitchî|clitche]] dissu po rtrover les [[Motî:waibe|waibes]] k' on va vey li pus voltî. Ingl. bookmark; F. favoris. 4. [[Motî:rimostrance|rimostrance]]. Il atofer des rmarkes do sorwoeyant. F. remarque, reproche, . 5. criticaedje k' on fwait direk a ene sakî. I n' aveut nén trop bén inmé l' ermarke, mins ç' n' est nén çoula ki m' traecassive ([[J. Goffart]]). F. remarque, allusion, critike, sous-entendu. Tcherpetaedje : bodje "marke", [[betchete ri-]] Parintêye : * [[Motî:rimarker|rimarker]] * [[Motî:dismarker|dismarker]] Pwaire minimom : * [[Motî:Rimåke|Rimåke]] (pitit no & no d' famile) ---- * [[Disploctaedje_des_trokes_di_cossounes_%C3%A5_coron#Fo.C3.BB-r.C3.AEles|"rimarke", c' est ene foû-rile pol disploctaedje des trokes di cossounes å coron]]