rinåd u ernåd (råle) / rnåd 1 [o.n.] biesse ås tetes, magneuse di tchå, ki vike dins les bwès et ki s' aprepeye voltî des måjhons et-z î vni ås poyes. Il efoumént les rnåds dins leus terêyes. Al nive, totes les biesses leyèt des rotes: les soris, les spirous, les robetes, les lives, les rnåds, les tchivroûs (S. Fontaine). Por vos, dji n' so k' on rnåd fén parey a cint meye ôtes rinåds; mins si vos m' acmoirdoz, nos årans mezåjhe d' onk l' ôte (A. de Saint-Exupéry, rat. pa L. Hendschel). F. renard. >> c' est les rnåds ki foumèt leu pupe: dijhêye po ene wapeur ki monte des fonds après l' plouve, a l' esté. rl a: rnåd (2). >> pôve rinåd ki n' a k' on trô: I fåt tofer aveur ene pîce po mete å trô, ene vudindje di rcandje. Franwal: ahåyant po: "plus d'une corde à son arc". >> kesse° a cep ås rnåds. Disfondowes: r(i)naud, (è)rnaud, r(u)nâd, r(u)naud, r(ë)naud, (i)rnaud.
Parintêye:
Omofone:
- rinåd (o.n.; derivé di rnåder)