roed, roede I. [addj., todi padvant] 1. ki bodje målåjheymint. Tot timpe å matén, tot roeds et tot edjalés d' froed, dj' alans boere do bén tchôd cafè avou des pwins francès ([[E. Pècheur]]). F. raide, ankylosé, engourdi. >> on roed [[Motî:ramon|ramon°]]. >> roed come on mantche a ramon u: >> ossu roed k' on mantche di schoupe u: >> pus roed k' on piket u: >> ossu roed k' ene beye: tot roed. Mes djambes ni s' volént radressî; elle estént ossu roedes ki des mantches di schoupe ([[Guillaume Smal]]). >> on-z est roed (prononcî ''rwèd'') divant d' esse prince: rl a: [[Motî:rwè|rwè]]. 2. ki monte foirt. L' escalî est putoit roed et les montêyes sont on pô stroetes ([[Arthur Masson]]). rl a: [[Motî:rwesse|rwesse]]. F. raide, abrupt, escarpé. 3. foirt. On shofla, c' est on roed shoflaedje do vint. F. fort(e), puissant(e). 4. foirt et deur (sovint tot fjhant de djeus d' mots, e tuzant å [[Motî:vé|vé]]). Boune anêye; k' ele soeye doûce, roede et longue, po poleur end aler disk' å dbout. 1998: Dji vos l' sohaite longue et roede ([[Yves Gourdin]]). F. vigoureux, robuste. >> flayî å roed bresse: avou bråmint del foice. El bamboula flaye å roed bresse so ene grosse-caisse ([[F. Barry]]). F. vigoureusement, violemment, hardiment. 5. djinné e societé, ki n' bodje nén, ki n' reye nén. F. raide, guindé, rigide. 6. (imådjreçmint) vî et ritche. C' est ki, tot divnant pus roed, l' ome divént pus raezoe ([[Nicolas Defrecheux]]). F. vieux. II. roed [adv.] 1. [[Motî:rade|rade, raddimint]]. N' alez nén si roed, dit-st ele li banse, Li pôve viye djin ki m' trinne forboute et esse dins les transes ([[H. Petrez]]). rl a: [[Motî:roetabale|roetabale]]. F. vite, rapidement. >> beazet roed, bonzè roed: raddimint et avou del foice. I vneut beazet roed ([[L. Remacle]]). Li trûte hosse li cawe bonzè roed dizo l' corant ki lyi cateye li schrene ([[Joseph Houziaux]]). F. violemment, vivement, âprement. >> ossu roed k' on tchår-ås-bancs: nén foirt rade. Li trin avance dabôrd ossu roed ki l' tchår-ås-bancs d' Inguezêye ([[E. Wartique & E. Thirionet]]). 2. [[Motî:pår|pår]]. Il est roed sot. rl a: [[Motî:tot|tot]], [[Motî:mo|mo]], [[Motî:totafwait|totafwait]]. F. complètement. >> toumer roed bleu sot d' ene sakî: toumer fén amoreus d' lu (leye). Franwal: ahåyant po: "avoir le coup de foudre". | roedeur [f.n.] 1. difåt (u cwålité) di çou k' est roed. F. raideur. 2. no di des maladeyes des agneas et des djonnès biesses. F. raide. 3. [[Motî:felesse|felesse]], raddisté. Li brouhî dmeure cobén des eures al copete d' on plope, so on postea u on piket d' pateure, cwand i voet ene sacwè al tere, i plonke d' ene grande roedeur. F. vitesse, célérité. 4. foice, poûxhance. Françwès a dit ça d' ene tele roedeur ki l' pôve pitite somadje a fé pitié ([[E. Fivet]]). F. force, puissance, énergie, intensité, sévérité. >> d' ene grande roedeur: foirt. Cwand il a yeu dit k' i n' aveut pus k' on solé, si pere l' a enairi d' ene bele roedeur ([[C. Culot]]). F. vertement, brutalement, rudement. Omonimeye coinrece: * [[Motî:rwè|rwè]] avou l' disfondowe ''rwèd'' Mot d' aplacaedje: * [[Motî:roetabale|roedbale]] Parintêye: * [[Motî:aroedi|aroedi]] * [[Motî:disroedi|disroedi]] ---- * [[roedeur des agneas|Dipus d' racsegnes sol roedeur des agneas]] [[Categoreye:Motî]]