rosse 1

I. [addj., todi padvant] d' ene coleur fwaite di rodje eyet d' bleu, mins avou pus di rodje. Il a rescontré on ptit cabolé rosse tchén, et i lyi a levé l' cawe. F. roux.

II. [o.f.n.] onk (ene) k' a des rosses tchiveas.

Disfondowes: rso', rose, rous', rousse

| rossea

I. [addj., todi padvant] d' ene coleur ki rsaetch sol rosse, mins nén si foncêye ki rsaetche sol djaene ôr.. D' on rossea gamén, on djheut : "il a rwiné s' pere po-z aveur ene tiesse d' ôr" (E. Pècheur). On gros rossea marcå riloukive li tchén sins bodjî d' ene pate (G. Alexis). >>  rossea tchén: : a) onk ki saye todi di vs djonde. Al fén, i divnént soyants avou leus mariminces di rossea tchén (E. Gilliard). On dit eto: emantcheu. F. filou. b) ki n' dit nén platezak çou k' i vout Al fén, i divnént soyants avou leus mariminces di rossea tchén (Emile Gilliard) On dit eto: toursiviues. F. hypocrite. c) (mot d' éndjoleu) onk ki vs evoye des emoles avou des warbeas après. Ingl. spammer >>  toû d' rossea tchén: laide keure po sayî d' djonde les djins. F. escroquerie, fourberie, malversation, subterfuge, ruse, astuce.

II. [o.n.] onk (ene) k' a des rosseas tchveas et ene pea a l' assulon. On traitéve les rosseas d' "solea å schguré" (L. Lecomte). Gn aveut on grand rossea avou les ouys ki sôrtixhént del tiesse (R. Mathieu).

III. Rossea [n.dj.] no metou & no d' famile del Walonreye, ki si scrît, asteure, Rosseau, Rossay, Rossias, Rousseau, Rousseaux, Roussaux, Rouceau, Roussiau, Roussieau, Roussieaux, Roussel, Roussiel, .. Li ptit Derik n' esteut nén d' on cwårt d' eure dins l' botike ki les tapeus d' mårteas l' avént rbatijhî l' Rossea (L. Lecomte).

IV. Rossele [n.dj.] (v.v.m.) pitit no d' feye, et no d' famile del Walonreye, ki si scrît, asteure, Roussele, Rousele..

Disfondowes: rossia, rossèle, rossê, roussê, rossiate; roussia, roussiate., vî scrijha : Rosias (1214), Rosseals (1267), Rosseal (1272, 1444), Rossial (1303), Rossea (1659)..

Etimolodjeye : cawte -ea; cawete -ele.

| rosset, rossete

I. [addj., todi padvant] pitit(e) et rosse di tchvea. D' ene messe : cwate pirete, ene bbete et ene rossete pea.

II. [o.f.n.] no metou a onk (ene) k' est rosset(e). Il a co stî hanté avou l' rossete di mon Colignon..Asteure : li rossete bedje, Axel Red, ene Flamindje mins ki tchante e francès. Li rossete vineut mostrer s' novea velo, et Pire péyive di n' è pleur profiter (C. Denis).

III. Rosset [n.dj.] no d' famile del Walonreye, ki si scrît, asteure, Rousset, Roussey, Rosset, Rossey.

Disfondowes: rosset, rossète, rousset, roussète, rossate, roussate.

Etimolodjeye : cawete -et(e).

| roslet roslete

I. [addj., todi padvant] rossea, rossete

III. Roslet [n.dj.] no metou & no d' famile del Walonreye, ki si scrît, asteure, Rousselet, Rosselet.

Etimolodjeye : dobe cawete -ea, divnou -l- + -et(e).

No vijhén :