rosti Codjowaedje I. [v.c.] 1. cure (ene tchå) dins do boure, disk' a çk' elle hape ene bele brune coleur. Li pea des dinnes bôrêyes ås trufes voleut peter tot rostixhant, télmint k' on l' aveut tinkyî (A. Daudet, rat. pa P.H. Thomsin). F. rôtir. 2. broûler. El solea d' awousse rostixheut les tchamps; c' est c' tins la k' dj' a tchoezi por mi skepyî (R. Painblanc). Ti loukes passer les såjhons : li pretins ki fruzixh, l' esté ki rostixh, l' otone k' est frexhisse (L. Warnant). F. brûler, griller, roussir. 3. distrure. Vola les-ahans sourdous, pôreut vali k' les plouves ni les rostixhénxhe nén ! F. détruire. II. [v.s.c.] cure, broûler. Li pea des dinnes bôrêyes ås trufes voleut peter tot rostixhant, télmint k' on l' aveut tinkyî (A. Daudet, rat. pa P.H. Thomsin). Ti loukes passer les såjhons : li pretins ki fruzixh, l' esté ki rostixh, l' otone k' est frexhisse (L. Warnant). | rosti, rosteye I. [addj.] (imådjreçmint) moirt (moite), distrût(e). On s' dimande ou k' nos alans cweri Tot çki nos ramadjans vaici; Il e dmeure co plin noste årmwere; Nosse walon n' est nén co rosti (L. Loiseau). F. brûlé, cuit, grillé. II. rosti [o.n.] bea gros boket d' tchår k' a stî cût å boure. F. rôti. >> fé rosti-boli: bén magnî. Miyêye å matin, sope a midi, Trukes ritchåfêyes, c' est nosse sopé, Ci n' serè måy rosti-boli (Calixte Culot). III. rosteye [f.n.] fadêye di pwin griyî. Avancî, rén k' ene idêye, li ptite plantche k' elle a metou deus rosteyes disso (L. Somme). On fjheut des rosteyes avou deus taeyes di pwin metowes inte deus greyis tinous ådzeu des broûlantès braijhes (J. Schoovaerts). F. toast. rosteye å crås stofé sôre d' amagnî rade fwait. F. croque-monsieur. Disfondowes: rosti, rostèye, rostë, rostîye.