roter (codjowaedje) [v.s.c.] 1. fé aler les djambes, nén trop rade, po-z avancî. Ès bådet n' sait roter télmint k' il est tcherdjî (H. Van Cutsem). rl a: mårtchî. F. marcher. >> roter d' kene; u roter d' bihair; roter cron: èn nén roter droet. F. zigzaguer, tituber, louvoyer. >> roter come on bouxhe-tot-djus: fé l' foirt tot rotant. >> roter so s' pwès: roter londjinnmint come si vosse coir sereut foû pezant a poirter. F. marcher lourdement. 2. aler rclamer a on metingue k' on bodje d' ene plaece a èn ôte. Roter, c' est bon pol santé, et ça fwait vinde des solés (B. Mirlon) F. manifester. Disfondowes: roter, rotè, router. | rotaedje [o.n.] 1. no d' fijhaedje et no di çou k' est fwait (accion eyet si adierça) pol viebe "roter". Av' bén oyou? pont d' rotaedje, avou vosse xhalêye djambe, paski ça pôreut ma, touner (J. Calozet). F. marche. 2. (pus stroetmint) metingue la k' on va roter. Ci fourit l' prumî rotaedje pol walon. F. manifestation. | roteu, roteuse u rotresse [o.f.n.] li ci (cene) ki rote. F. marcheur, manifestant. | rote 1 [f.n.] 1. voye, royon d' semaedje. Leu balon aterixha pa deus côps so les deus rotes di doûcete ki dji vneu d' semer (Guillaume Smal) ). F. ligne. 2. voye, tchimin. rl a: grand-rote, otorote. 3. di rote: en erote. I lyi fåt prinde a droete deus côps d' rote (L. Somme). | roti [o.n.] pitite voye nén ricnoxhowe (inte ene pî-sinte et on tidje). On dit eto: voylete. Disfondowes: roti, routi, vîs scrijhas: rotty (1400), routy (1590). | rotindje [f.n.] biestreye. Dji m' fote di totes vos rotindjes: mi dji serè botchî come èm cuzén Fernand (G. Fay).

Omonimeye:

• esse e rote (esse mwais)

Pwaire minimom:

• rôti

Parintêye:

• en erote.

Mots d' aplacaedje :

• roter droet.
• otorote.
• grand-rote.